女子组合Super Girls成员Cheronna（吴嘉熙）前日举行迷你音乐会，为新歌《无利可图》献出第一次！她坦言事前相当紧张，幸得家人和男友黄奕晨（Dixon）现身支持。今次她更荣升做创作人，跟陈考威、JNYBeatz共同作曲：「呢首係我第一首有份参与作曲嘅歌，真係好开心，无谂过自己可以去到呢一步，可以参与写歌。『BB』（新歌）出世嘅时候，听到自己嘅创作、见到作曲一栏有自己个名，真係觉得好开心、好感动，希望之后有多啲机会参与写作。」
精选歌单
音乐会上她除献唱自己的歌曲，也自选四首歌后级的作品：「呢个歌单我谂咗好耐，有边啲歌係我好enjoy、又好想唱畀大家听呢？另外几首人哋作品都係中学时期成日听嘅歌，每次唱都会觉得好陶醉，希望大家都钟意。」
积极瘦身
提到父亲及男友黄奕晨现身支持，Cheronna坦言相当开心：「我都有一段时间无出歌，同埋好耐无演出live show，之前《你的你》派台时有参加一啲live show表演，不过Daddy好多都miss咗。今次第一次表演《无利可图》，仲要又唱又跳，对我嚟讲好紧要，所以就叫Daddy嚟睇，可惜妈咪要做嘢嚟唔到，不过有一件好特别嘅事，就係Dixon之前话有工作，但最后都赶嚟支持我，所以成件事好有爱，所有支持我、爱我嘅人全部都喺度同我分享呢一刻，表演嘅时候知道佢哋喺度，我个心会好定，无咁紧张。」
她又透露近日积极瘦身：「之前太钟意食嘢，所以肥咗好多，今次好坚决，同埋用好健康嘅方法去减肥，会Keep住做运动、练舞，加上妈咪煮健康餐，所以今次减肥旅程唔算辛苦。」 |
搜寻新闻
