本报娱乐组报道】杜德伟(Alex)前晩(5月28日)在杭州顺利举行首个自家品牌创作MNA时装骚,并邀好友陈小春作压轴嘉宾为时装骚行catwalk,掀起整晚的高潮,所有嘉宾都举机拍照狂欢,令时装骚成功演出。
在圈中人缘甚好的Alex获一班好友支持,多位好友包括梁家辉夫妇、曾志伟、陈小春、钟镇涛(B哥)夫妇、叶童夫妇、上山诗钠、巫启贤等现身支持,场面星光熠熠。一班好友看得非常投入,叶童不时拿出手机拍照。
#几分钟catwalk 好似唱半小时个唱
第一次行catwalk的小春,完骚后接受访问:「我仲流紧汗,行之前唔知自己要望边到,最后唔谂啦,昂然大步挺胸行就算啦!好彩有音乐,如果没音乐,真係腾呀!行完几分钟catwalk,好似唱完半个钟头演唱会咁!」Alex马上反问:「係唔係呀?」小春说:「真係!唔係讲笑!我picture唔到个画面係点,如果台下没人有反应咁点算呢?又惊有肚腩又惊条裤会甩....」Alex回应:「我啲衫点会呢?小春又咁fit!真係好多谢小春,因为献出第一次,但佢完全驾驭到套衫,佢一行出场全场哄动,有小春成个show真係生色不少!」
其他好友志伟、B哥则投诉:「点解净係叫小春,唔叫我哋行呀?」Alex说:「下次要要帮曾志伟设计衣服,拣套短度阔风比佢!」Alex再问小春,下次是否愿意再帮手行show,小春爽快回答:「没问题!」Alex说:「朋友就係咁样啦!」
#Alex3岁缝制蝙蝠侠斗篷 57岁圆梦
Alex创立了10年的时装品牌MNA,今次重新启动MNA,找来日本设计造型师Norio Sato合作,两人一拍即合,顺利完成首季时装show。Alex兴奋地表示:「係缘份,没谂过57岁可以圆时装梦!」他说,早在3岁已爱上时装:「我3岁就会问阿妈要针黹缝制蝙蝠侠斗篷,到大个少少,係有限资金下,会出去搵特别cutting嘅衣服帮自己打扮,长大后来甚至修读设计,但入行后设计梦想一直没机会实现,直到去咗台湾发展,同滚石竭力完成合约上最后一张唱片《脱掉》后,唱片上找不到新突破,感觉迷失自己,于是萌生咗时装设计念头,终于在2009年创立了MNA。」
Alex在那两年间,由零到开始,全心追梦,但因不懂生意管理,亏损了好多钱,终于在2015忍痛停产,老婆也经常安慰他:「尽了力就可以了!」直至今天圆梦。 |