【本报记者报道】由刘家豪总监制，陈展鹏、林夏薇、冯盈盈、黄智贤主演《逆天奇案2》第二周收视续升，最高收视21.1点（137万观众），升0.8点。收视成绩理想，剧组昨天尖沙咀举行祝捷会，活动上更为77工作室高层钟澍佳庆祝生日，并恭贺姜大卫（John）在金像奖上抱走「最佳男配角」，场面热闹。
薇薇和展鹏说，下次要请食饭为John哥庆祝，展鹏表示：「我返无綫第一套剧《ID精英》就係同John哥合作，佢做我爸爸，呢位前辈好难得，佢每个角色都保留初心，虽然呢套佢係单元主角，但都同我哋打成一片，教识我哋谦虚，所以要袋喺身。」
薇薇：出场会愈来愈多
有网民不满薇薇剧中戏份少，对此薇薇坦言也收到很多讯息，她称：「我啲朋友都有send讯息问我，就连屋企工人姐姐都有追，佢哋话追咗好耐见我好少出场，不过大家畀啲耐性，后面会根据故事发展，我嘅出场亦愈来愈多。」
薇薇又说，将播一场和冯盈盈「摊牌」的戏份令她印象深刻，她称：「现实生活上係唔会咁对峙，等于再揭疮疤，嗰种内心挣扎我自己都几钟意，不过盈盈会爆发啲，我就内心戏啲。总之大家继续追落去，会愈嚟愈好睇同精彩。」
就太太单文柔开直播期间关掉了滤镜，由于身材圆润被网民怀疑「有喜」。陈展鹏否认道：「唔係，有咗咁大件事我点会唔知！不过，自己与太太不断预备中，有好消息我哋会话畀大家知。」
张子丰唔认同王菲拍拖：识咗2年
前港姐王菲和绯闻男友张子丰一同受访，早前张子丰为女友庆生令恋情曝光，二人直认因拍摄《法言人》而认识，问当时是否已挞着？两人异口同声指：「嗰时认识嘅。（几时开始拍拖？）一直都了解紧。」
张子丰说，感情上不会特别高调，但承认双方已见家长。「我见过佢家人，因为请佢哋一齐睇尹光演唱会。」两人拍拖已多久？张子丰自爆：「得我哋两个知，总之识就识咗两年。（怕公开影响工作？）希望专注工作。」张子丰透露跟无綫已完约，未来会转做幕后搞制作公司及唱片公司，王菲闻言即谓：「签埋我啰，我都有搵老师学唱歌㗎！」 |
您可能有兴趣:
|
搜寻新闻
