2月14不一定颠沛流离,女子组合Super Girls队长赵慧珊(Aka)和吴嘉熙(Cheronna)于情人节晚上于尖沙咀连锁米线店快闪,大派恋爱御守,期间更以「独特口音」挑战急口令,爆笑全场。2月15日正是Aka的32岁生日,寿星女获主办单位送上「尖椒皮蛋蛋糕」,令她大感惊喜,又笑言感谢大家陪她度过情人节,令她不致孤单!
solo歌曲在起步阶段
人靓声甜的Aka,是不少人的女神,忆述最难忘的情人节礼物,她说:「好耐之前有男仔亲手整份礼物畀我,係用百力滋串住啲提子,虽然好有心思,不过收到嘅时候啲朱古力已经溶晒,个画面都几搞笑。」问到情人节有没有收花,Aka鬼马表示:「有呀,好多添!早几日开音乐会,好多朋友都好有心,送上好靓嘅玫瑰花,係女仔都钟意收花嘅,不过我都叫大家唔好嘥钱,送花不如请我食嘢,我好为食㗎。」
至于生日愿望,Aka笑言:「希望继续得到大家嘅认同,证明我係乐坛一份子。过去一年推出咗自己嘅音乐作品,今年都係呢个计划,喺solo歌曲方面算係起步阶段,所以最近都有同监制、填词人朋友倾下,听多啲意见;另外今年都有计划举办画展,希望一切顺利。」 |