梁家俊最近手風不俗，今次策騎「百勝龍」出戰，有望

【甘屋藏料／甘甘仔】在剛過去的五月份,回顧返,有不少低於2倍的超買熱門成績出色,在5月編排的八十二場賽事中,有十六場的大熱門低於2倍,所佔百份比達19.5%,比率極高,幾乎接近每五場賽事有一場,而在十六場賽事之中,低於2倍的頂頭大熱門交出10冠2亞2季成績,落第的只有兩匹,勝率達62.5%,上名有87.5%,其中十六場中有十五場均由莫雷拉及潘頓包辦,賽果變得側埋一邊,係投注上可以講係只揀騎師去買,都已經可以收錢了。

而今次筆者心水是第十一場「百勝龍」，最近一次試閘一放到底，靱力十足，走勢極之吸引，加上睇返之前以跑錯跑法都只負於「美麗滿載」，不足一個馬會，今仗有望奪冠。至於「赤兔寶駒」，上次今年１月初出賽後因流鼻血一直休養至今，再睇返五月試過三次閘，明顯馬匹已健康正常，火氣正盛，在同場對手不太強的情況下，有望挑戰前駒。「力奇先鋒」對上兩仗都贏得漂亮，今仗初上二班作戰，相信贏就未必，但作配腳相信以其近期走勢問題不大。「奔雷」上仗初上二班後反過來能贏馬，勝後加１０分仍能在二班作賽，而繼續配上利敬國出戰，但同場對手不弱，建議作三四重彩配腳。