「鑽得勁」上場初上二班亦能贏馬，今次相信重返谷草

【甘屋藏料／甘甘仔】上屆冠軍騎師潘頓今季發揮出色，目前已拋離排次席的莫雷拉六十七場勝仗。 同時18/19年賽季，只餘下50多場賽事，即使雷神獲全勝也好，已經無力阻止潘頓蟬聯冠軍騎師寶座，提早六個賽日封王。不過對於打破莫雷拉另一項一季取得170W的紀錄，暫累積取得一百五十一場頭馬的潘頓，曾坦言難以做到，因為距離煞科還有六個賽日，若他不受傷及停賽，意味需要每次賽日平均要贏3.3場。

今次賽事心水為第七場「鑽得勁」，馬匹一直準繩,上仗初上二班也打開勝門,今仗抽得二檔靚位,相信可再下一城。「實力飛駒」在三月出戰後一直養精蓄銳,睇返最近一次試閘,起步敏捷, 一氣呵成,清脆利落,只要發揮正常,即可連捷。「越感」今季初成績有2W,之後一直比較平平,今仗縮程跑1000米,或可帶來新鮮感,可作冷腳。「鄉村瑰寶」上仗郭能出戰大熱倒灶,今仗換返上雷神出戰,點都要拖埋。