[今期鎏料/奧斯卡]今期推介第十場的「友誼至好」，上季二班起步已能交出好表現，總場次368，出閘爽快但鞍上人刻意拖後，直路沿內欄推進，未段小小受阻未能全力衝刺但都追近。

期後總場次506換上史卓豐，出閘爽快但仍然拖後作賽，直路更嚴重受阻，最後百多米望空並細推兩三下即有衝勢。三番四次陣上意外之後，倉主部署為此駒減分，為今季鋪路。

七月尾已經開操，八月尾一閘，出閘極之爽快，然而拖後外叠跟跑，直路拖出跑道中間衝刺，未段二百米刻意大推，上力即湧。要知姚廄馬試閘時大力推騎而衝勢一般並不代表狀態一般，反之要多加留意出賽表現。

九月頭一閘，出閘仍然爽快而鞍上人如是刻是扣留，沿途人馬角力而馬湧住衝，未段望空如是刻意打鞭試馬，表現佳。

雖然今場蔡明紹續騎同場的「劍斷浪」，而潘明輝冷手執個熱煎堆，抽得二檔，賽前更親自踱步，可見其誠意，有望為這匹姚廐馬打開來港勝門。