其士主要從事基建等項目，無需藉跑馬賣廣告，況且勇士團體成立之初，周維正才剛剛成年，相信團體命名並非因他而起，但今天參與其中，便變得更具代表性。勇士團體於1993年擁有第一駒「智勇雙全」，其後有「過江龍」一捷後轉投大摩再添進帳，「勁勇士」及「勇士勁」都合作至今。現役「勇士勁」曾流鼻血，大摩仍未肯放棄，除了顯示對勇士團體甚重視，亦說明「勇士勁」尚有可用價值。

跑了半季，「安」系大馬主王忠秣，早前終以千金王賢敏名下的「安友」贏番場，周日輪到他的愛駒「安荃」出戰，先唔講能否取得佳績，只知王忠秣見他的兒子王賢訊隻「安闖」去年尾退役後，暫時未有馬在手，於是早前將「安荃」加埋後者做合夥人。老實講，王賢訊昔日的「安進」及「安甲」都有進帳，「安荃」賽前忽然拉佢入局，相信都係想一家齊齊開心，蔡約翰當然深明此理，最重要是「安荃」今季雖然甚遲上陣，但復出後兩仗都跑第四，足證全面復勇。