「老實人」（近鏡）後勁強橫。

「老實人」（近鏡）後勁強橫。

【賠率有路捉／周仲】不經不覺，今日麥菲文馬房將會進行告別戰，今日賽事結束後，麥廐就會散倉，返回澳洲繼續練馬生涯，筆者在此預祝麥菲文否極泰來，重返正軌。
其實近日麥廐馬已經陸陸續續轉倉他投，當然今日四匹出賽馬，仍要跑多一場才踏上新旅程，但昨日所見，其中三匹麥廐馬曾經被捧成大熱門（見表），情況前所未見，且看票數是否反映麥菲文真係會有送行馬作紀念。
其中最值得留意係「老實人」，此駒在港七次上陣，賠率最熱的兩仗，分別為4.1倍及4.2倍，但昨午此駒曾經被捧成3.7倍大熱門，當時位置亦僅1.4倍，同樣係最熱的選擇，幕後信心十足，應不會空手而回。
另外，「安喜」前仗在韋達胯下2.9倍取勝，上仗換上梁家俊回冷至9.2倍，但仍跑獲亞軍，今仗回配韋達，但昨午其獨贏賠率一早已經捧至2.8倍，信心頗強，值得高度重視。