[桐言桐语/B女]转眼间马季都已经开始咗一段时间，唔知大家到目前为止收穫得丰盛吗？前几日同朋友食饭，讲起今季跑马地嚟紧就跑二次，而我喺今季跑马地赛日都仲未入过马场，所以我决定咗啦，今个赛日同好友准备入去搵吓钱，之后食返餐好嘅，吾知当日会吾会撞到相熟嘅好朋友呢？

第三场四班1650米，呢场我心水係匹「韵妙星」，讲返上个礼拜先，呢匹马喺跑马地开锣嗰日已经跑过，佢当日係三班出赛，然后输咗比跑第二嘅「任我行」只不过係三个马位，虽然呢匹马从来未喺谷草赢过头马，但係睇返佢上季係三班上名嗰仗只不过係输比「红运战士」，证明佢喺谷草嘅性能都唔係差，今次佢係四班匆匆出赛,再强配潘顿,明显要决心帮呢匹马赢马，另外喺对手方面，「肥仔威威」上季一再喺跑马地跑得好，但係最后一仗鞍上人唔知係惊只马有事定其他原因，搞到只马大败返嚟，今次换人出赛，希望可以将只马表现得最好。

另外第二场四班1650米，我就钟意「神龙驹」，最主要原因係因为佢落四班出赛,加上抽到黄金二档,计落呢场对手没喺上季三班出赛嘅对手咁强，相信只要鞍常人发挥得好就有机会帮呢只马开斋。