林子祥接受網絡大挑戰。

【本報記者報道】林子祥明年三月於亞博舉行 「林子祥開心演唱會」，只演一場，門券於今日(16日)公開發售，撲飛得朋友要留意了。

阿Lam日前在公開演唱會資訊的FB上載了他被測試網絡用語的影片，十分搞笑，當中阿Lam坦言自己「唔上網」所以對那些用語，一無所知，YYSD是什麼，佢答鬼知咩。要計數，佢即刻自爆由細到大，數學係最差，唔合格，回識計，1314，520這些大多數人都知的簡短網絡密碼，阿Lam係反問一生一死？唔易擰？自己估完都忍唔住笑。

一向講野又細聲又一舊舊，被問1999係咩時，他就聰明估到係咪話我「一舊舊？」666係阿Lam呢個鬼佬心目中認知係魔鬼數字，並不知道係被讚非常厲害的意思。

穿自己舒舒服服的衫

雖然70歲，但Lam並無老懞懂，被問到1216係咩，佢即刻招積回答，「呢個我知！係我演唱會賣飛日子！我記得，大家就都要記得啦，我等住見你地。」

矩離演唱會還有三個月，阿Lam謂他沒打算咁早開始練歌，「唱左幾十年，唔係好駛練啦。今次會唱曬所有經典歌囉！」至於造形會靚仔定有型？Lam就話兩樣都唔會，只會照舊著D自己舒舒服服的衫，唔討人厭就好。

開騷後一定要飲汽水

演唱會期間，佢為keep fit keep 聲，幾十年來他都係用同一個方法，「食好少野。好少好少野。飲少d紅酒咁囉。我有時鐘意晚餐飲少少，不過都唔多。但係飲左喉嚨就會好似有卡住。」問到Lam有咩開騷前小習慣？Lam話都冇乜，反而係開騷後，一定要飲汽水，因為唱完歌會好口乾，飲汽水就會補番，絕對唔似其他歌手，又煲中藥，認真鬼佬性格。」