江若琳接受家燕姐訪問。

【本報記者報道】江若琳（Elanne）日前在新城廣播，亮相薛家燕、范振鋒和思敏主持的《開心大派對》節目。Elanne表示，與老公蕭唯展（Oscar，前名蕭潤邦）是同期出道的歌手，但他做了兩年，發現自己不適合娛樂圈，於是決定發展生煎包事業。

「當年佢喺上海研發新菜式，咁啱我又喺上海拍戲，大家有機會食餐飯，但純粹係朋友嗰種約出嚟，因為平時食飯係一大班朋友，第一次同佢喺上海食飯，覺得有講唔完嘅話題，我亦好欣賞呢個男仔嘅魄力，傾到間舖都打烊，大家都覺得幾啱傾，約第二日再食多次飯。」Elanne十分決絕說：「冇！冇嘅！冇Feel，純粹係大家心底都好欣賞對方；隔咗幾日就返香港，大家都覺得幾好傾，可能佢本身都有啲嘢，再約我出嚟食飯。」

與老公有傾不完話題

與前經理人公司的合約糾紛官司終於完結，在這個低潮期，Elanne坦言感恩獲上天憐憫，最幸運是遇到老公，「喺呢10年，我開展咗自己新一頁，就係結咗婚，佢就攜手陪我度過呢個難關，跟住我嘅小朋友好聰明，喺官司完結之後先出現。」

談到14個月大的兒子蕭立鈞（Owen）很喜歡聽歌，尤其是媽媽的歌聲，Elanne甜笑說：「我成日都唱歌畀佢聽，我就唱《太陽伯伯》，但我發現我老公唱歌，佢冇反應，可能佢把聲比較沉，我就跳晒舞咁，我個仔好開心，每次都聽到拍晒手，好似Fans咁，所以我成日都話佢係我人生最細嘅歌迷。有次同阿仔返學，突然間諗，阿仔大個之後，我有冇一樣嘢令佢覺得驕傲。」因此，Elanne決定重燃音樂夢。