文/ 寻龙子

摄/ Madlight

Michael係湾仔私房法菜的老闆兼大厨，为人四海好倾，他问太太，其实米芝莲神秘食客可能嚟过，如果嚟过，食物应该没问题，出问题会係太太的招唿，他取笑老闆娘招唿未达标，当然係讲笑耍花枪，这一个晚上就咁轻松渡过。笑声笑声满载温馨，工作枱与食客只用一块布帘间隔，Michael 索性打开布帘让熟客夫妇加入今次吹水，红酒停不了，我想，这样就是私房法国菜的特色和味道，食物味道和人情味交互作用，刺激味蕾也刺激情绪。

私房设在单栋商业大厦，佔用一层，归一又自成一角，入口挂上巴黎铁塔照片，墙身颜色係我最钟意嘅橙色，专业名词叫Exotic Bird， 内里大慨可以坐廿零人，用枣红色布帘间成三区，似巴黎剧院feel，当晚主区有party，但係声音又没有传出来。私房菜的好处是厨房与客区一步之遥，确保食物热腾腾上桌。其实，这不是最基本要求吗？不过，在大餐厅太多不快经验係你明明见到食物已经在厨房煮好等侍应传送，就係唔见人，菜来到你面前已经变成微暖，忍不住问天，我今天做错了甚么错事？

云吞与鹅肝共舞 

讲返French Table嘅食物啦，确实係有质素嘅，第一样令我留下深刻印象係厨师自制鹅肝酱，甜酒加拔兰地香气四溢，一入口与众不同嘅口味，配合适中，齿颊留香，係食咗仲要外卖带走嘅选择，Micheal说係佢嘅拿手绝技。另外一样印象必食嘅仲有鹅肝云吞，Micheal说起自创呢个fusion食物，係因为想起妈妈包的云吞，中式嘅包云吞手法，加入法式鹅肝，恰到好处，云吞一口一啖，入口溶化，滑脱脱似在在舌头上跳冰上芭蕾舞。汤品方面就蘑菇汤，够稳阵，龙虾汤，有性格，都係水准之作，可以配搭蜗牛。羊扒同A4和牛係主菜选择，甜品亦有惊喜。

私房菜人间情

疫情对呢啲私房菜小店打击好大，曾经有一段时间，生意归零，Micheal夫妇都谂过放弃，不过又有长情熟客，为佢打气。一位日本总经理，非常欣赏Micheal嘅食物，多番帮衬成为朋友，日本返嚟，亦必定帮衬，送上小礼物，可能就係呢啲人间小故事，帮助Micheal撑下去。最艰难时期已过，现时生意回復一些好转，Micheal亦要多谢业主出手帮。影帝周润发曾经来过佢尖沙嘴旧铺，为发嫂开生日会，佢话发哥真係好好倾，没架子。餐厅门口贴着明星名人客人与Micheal的合照，当名Micheal都几靓仔。岁月无情人间有情，食私房菜和热情的Michael 夫妻吹下水，係不错嘅选择。