【本報記者報道】曾被無綫力捧上位的黃心穎，自2019年與歌手許志安發生「安心事件」後，便一度在幕前消失，沉寂4年後，她今年突然在無預警下復出幕前，並以歌手身份現身。心穎昨日（12日）罕有接受電台訪問宣傳其新歌《沙包》，這次也是她自風波後首度公開受訪。黃心穎在訪問中提到她低潮時面對海量負評，是靠潛修佛學令內心得以平靜，並大談與樂隊RubberBand鼓手男友泥鯭合作點滴。
黃心穎表示自己在休息期間上網課學音樂，雖然TVB曾有邀請她復出並商討路向，不過她最終決定離巢往外闖，故回復自由身後，她坦言當時十分迷惘，內心曾有一點慌，至於現在做音樂是她的一個新嘗試。
她推出的兩首歌《Crown Me》及《沙包》都是由她創作，心穎說：「上天為我開咗道門，兩首新歌都係我自己作曲、填詞，我覺得係幾好情緒宣洩，有時係會有唔同嘅情緒去攻擊我，我咪盡量去感受，但需要Keep Going（繼續前進），如果冇呢啲情緒，人就會好麻木。」
近年她亦有學戲：「一開始已決定學習演戲，佔咗我好多時間，學戲係幾好，有助疏導情緒，我已經作咗幾首歌，今年會繼續以音樂人身份發展。」
新歌《沙包》跟男友泥鯭聯合監製，心穎大方表示2人合作時，男友設下規定，就是雙方「不可鬧交」。泥鯭跟她說：「如果你要我做監製，就要聽我建議。」黃心穎大讚監製男友屬鼓勵型：「我經常問佢我係咪好Stupid（蠢），我以前做嘅時候冇諗過要發表我嘅音樂，但佢話唔Stupid，想做就做。」對於新歌，如10分滿分，她給予自己6分。
黃心穎自風波後受盡千夫所指，對於如何面對負評，她表示：「現在嘅我平靜咗好多，再難聽嘅說話都聽過，其他人點樣話我都係我嘅因果，只可以做好自己，其他事我唔能夠控制。」她亦趁機學佛，現時內心平靜不少，不再執著。
黃心穎承認曾有一段日子不敢跟外人接觸，所以她領養了一隻狗，因為放狗時與其他狗主接觸聊天，令她能漸漸走出低谷，最主要原因是她不想家人再為她擔心：「有家人喺身邊幫我揭開雲霧，就有動力繼續向前，我唔忍心見到爸爸咁樣，之後我領養咗隻狗狗。」黃心穎亦在最後向主持道謝：「好多謝你哋邀請我上來做訪問，好多嘢唔係必然。」
|
搜尋新聞
