2024年 02月 29日
星期四
   | 氣 溫 : 19 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

「第13胎」出爐 姜濤藉《岩巉》談愛情 誠心等待真命天子來臨
發佈日期 : 2023-11-29

MV裡平行時空的姜濤,勇敢去愛。
姜濤推出「第13胎」新歌《岩巉》。
姜濤再次做回自己,飾演備受注目的藝人。
今次再次找來林思廷擔任MV女主角。
MV裡平行時空的姜濤,勇敢去愛。
姜濤推出「第13胎」新歌《岩巉》。


【本報記者報道】久未推出情歌的姜濤,近日推出他的「第13胎」新歌《岩巉》,更借用填詞人黃偉文(Wyman)的歌詞,分享自己誠心等待真命天子來臨的愛情態度,但姜濤卻不排除,如遇到合適對象,也會像MV裡平行時空的姜濤,勇敢去愛。


 


《岩巉》由林家謙作曲,但原來已是差不多兩年前的作品,姜濤分享歌曲誕生的經過,他說:「大概年幾兩年前聽到林家謙老師呢個曲,一聽就被intro(前奏)琴聲吸引咗,即刻好想搵Wyman老師填呢隻歌,由佢嘅角度觀察我去寫呢隻歌,所以好Surprise(驚喜)佢用『岩巉』呢個廣東話獨有詞彙,亦好好奇點解佢會咁樣寫我。我有問過Wyman老師,佢覺得我對愛情係一個好有耐性嘅人,唔會急於輕易搵另一半,用『岩巉』唔係因為我哋好奄尖,而係我哋真係好誠心去等待完全適合我哋嘅另一半。」


 


今次《岩巉》的MV,其實是他之前的歌曲《愛情簽證申請》的延續,姜濤再次做回自己,飾演備受注目的藝人,但MV中的姜濤,面對喜歡的人,卻毫不保留地保護對方,愛對方,而MV的故事,姜濤也有給予自己的想法。


 


林思廷任女角 減輕劇組工作


 


姜濤說:「MV係同導演一齊構思,做返喺平行時空裡面嘅姜濤,如果佢真係拍拖會點做呢?當我遇到一個真係好啱嘅人,我會奮不顧身去保護佢,同埋會向大家宣布我好鍾意呢個人。咁啱《愛情簽證申請》MV最尾寫住To Be Continued(待續),仲有個續集未拍,好想自己作品有個完整性,不如今次完成埋佢,當係另一種平衡時空嘅延續。兩個MV入面有好多小細節係可以對得上,希望大家可以發掘到呢啲彩蛋。」


 


繼上一次《愛情簽證申請》MV,今次再次找來林思廷(Tammy)擔任女主角,姜濤跟對方因為劇集《超感應學園》而成為好友,有對方的加入,也減輕了劇組的工作。


 


姜濤道:「我哋呢個Project(項目)都好趕,要喺好短嘅時間Confirm(確認)好多嘢,但Confirm咗係Tammy之後,就慳返好多功夫,實在好多謝佢嘅幫忙。我每次去台灣都會同《超感應學園》呢班Friend(朋友)見面,一直都有保持聯絡,所以同Tammy冇話生疏咗,所以拍攝過程都好順利,又好開心。」


 


無打算拍拖 不敢諗太多


 


不論是《岩巉》的歌詞,還是MV,談的都是誠心等待,勇敢去愛的態度,那麼姜濤又是這種人嗎?姜濤親自給大家一個答案,並說到:「我而家冇話想拍拖住,唔夠膽諗太多嘢,因為自己本身已經有太多事情要處理,所以如果再加多一份愛情喺度,未必處理得到。如果遇到一個啱嘅人,我又唔會完全放棄愛情呢件事,但暫時係事業為先。」


 

您可能有興趣:

1
尾場演唱會 全場驚喜 古天樂任壓軸嘉賓 鄭中基感激畀面變開籠雀

2
《再見‧枕邊人》下周首播 黃智雯失蹤7年 突出現兼失憶

3
郭柏妍佩戴千萬首飾嗌緊張 否認避談丁子朗:有睇佢節目

4
大馬美女黃詩棋恨演奸角 挑戰跳唱歌曲 跟韓國老師學藝

5
《盜月者》入圍布魯塞爾奇幻電影節 姜濤 呂爵安 盧瀚霆 馬拉松式謝票

6
古天樂踩入紅館唱《男朋友》 公開談與宣萱關係:我的家人!

7
鄭裕玲晉身國際級主播 專訪「甜茶」及奧斯汀畢拿

8
楊潮凱宣布再做爸爸 爆6歲女每年生日許願要弟妹

9
《中年2》吸147萬觀眾登榜首 《本尊就位》收視勝《狀王》

10
《狀王之王》被指放炮灰檔 王浩信:好劇沒分檔期

11
胡定欣自爆有異性可發展 笑稱與單身姚子羚鬥快嫁

12
阿SA 向阿嬌互訴心聲 演唱會感動全場

13
《奧本海默》獲奧斯卡最多13項提名 施利安首爭影帝感震驚

14
演唱會籌60+萬善款 幫助長者及基層 張學友不言休會唱下去: 感謝讓我成為最幸福的普通人

15
徐榮與馬國明相識廿載 訓練班結緣 常約踢波


首頁