【本報記者報道】陳蕾將於明年3月3日至5日,假紅館舉行首個個人演唱會,演唱會海報今天面世,海報中是全新造型的陳蕾,一頭長長白髮,頭頂「念」字發出紅光,粉絲紛紛讚造型相當有型。
今次這個白髮造型,陳蕾表示非常喜歡,創作過程也有參與構思,她說:「我當時同同事講,《沙門》演唱會之後,由《世界與你無關》之後嘅歌,全部都係黑暗中有道光嘅感覺,海報背景可以好黑暗,我個人個妝就好白,我就係嗰道光嘅感覺。最終就有咗????家見到嘅白髮陳蕾,人生第一次紅館演唱會,都希望Poster上有耳目一新感覺,會質疑呢個係咪我嚟㗎,就最好添﹗我想將自己塑造成純白狀態,話畀大家知,無論個世界幾黑暗都好,我願意成為你嗰道光!」
做好身形聲音管理
首次舉行紅館演唱會,問她是否開始感到壓力?陳蕾笑謂因為內部認購反應好,壓力反而少了,通常壓力都在開騷前1個月才來到,即日開始會做好自己身形﹑聲音和體能管理等,免得臨急抱佛腳,整個人準備好就會減少心理壓力,可以做得更好,她說:「演唱會我希望可以視覺上,音效上都帶畀大家沉浸式體驗,唔會有悶場,絕大部分先用音樂去交流,之後Encore環節用打機來同大家交流,但係公司未知呢件事。」 |