【本报记者报道】影帝梁朝伟昨早（12月19日）激罕现身商台，接受林海峰（Jan）、阮子健和卢觅雪主持的《在晴朗的一天出发》访问，宣传新戏《金手指》。梁朝伟曾以歌手身分上商台谷歌，相隔多年后再到访，震撼整个商台。
开咪时，林海峰以破天荒形容伟仔做嘉宾：「我哋节目未试过有嘉宾，你係第一个。」伟仔说：「第一次咁早宣传，听众唔惯我咁早起身。」大家闲话家常，伟仔笑言近来晏起床，「最近呢个月係咁，唔知点解，你知我个人情绪化。」
近变「晏人」 自称情绪化
伟仔分享戏中角色：「只听到有呢个案件及呢个人物，好空洞，唔知点解咁，今次有机会探讨。（点做功课？）导演畀咗啲案件一啲资料我，我睇完之后『哗！真係不可思议』，都几有兴趣去试。（点谂呢个角色？）因为呢个人好神秘，变咗我唔係好知道点样做。」
伟仔续说：「导演希望我唔好照抄，有自己创作，唔好照足真人咁样做，原本个人有幽默感、好有魅力、好识交际（减咗幽默感？）减晒，我又觉得係咪可以试下，一个人可以喺咁短时间裏面，突然间变成咁有钱、咁有影响力嘅人，係咪可以嚣张啲、意气风发啲。开头设定佢係生意失败工程师，嚟到香港遍地黄金，好多机会，咁后来机缘巧合，借壳上市炒股票；然后嗰个人嘅转变，变到失控，觉得自己係神。」
伟仔说，凭幻想去演活戏中人物：「睇一啲关于金融诈骗真实故事嘅书，我对于金融嘅世界一啲都唔知。」
林海峰（Jan）赞伟仔勤力好学，如学滑水及滑雪，问到是否很好学？他说：「我工作需要，每次角色唔一样，每次学唔同嘅嘢，我好多机会接触唔同嘢。我必须要学，唔学个人会好虚，准备几多得几多。《一代宗师》学功夫，唔係话打得好睇，但建立咗信心，去现场拍戏安心好多。」
Jan又赞伟仔平时学习多以钻研形式为主：「佢私下玩嘅嘢，都係钻研形式，无论艺术上、玩乐，尤其係运动都钻研好深。」伟仔闻言说：「贪玩啫﹗有时睇到啲嘢想同人分享。」
《无间道》重聚是接拍《金》诱因
伟仔说，今次拍《金手指》，有种Reunion（团聚）的感觉，而且跟刘德华和庄文强合作愉快：「今次又係庄文强，佢特登咁样整故仔引我去拍，如果我没一个实质人物，我谂唔到係点拍，我就唔拍，佢整咗个蓝本，重聚梗係一个诱因，同华仔合作30几40年，庄文强拍《无间道》时，合作好愉快，除咗拍戏，平时都有交往，倾电影、倾书本，佢（庄文强）一直有畀剧本我睇，我推咗好多次，咁我真係没feel（感觉），人哋睇咗人哋觉有feel会做得好，我睇咗觉得没feel，咁即係我未必做得好。」
罕谈刘德华 赞好照顾人
伟仔大赞刘德华照顾人，并忆起拍《鹿鼎记》点滴，他说：「大家做好朋友，当年拍咗几十集，有一段时间一齐，建立好特别关係、同埋建立好多信任，我相信个默契喺嗰时建立。（之后就係无间道、金手指？）中间都拍过一啲烂烂哋、没乜人记得嘅戏。（搭飞机时睇自己电影？）点都唔睇，睇第二啲戏。」
伟仔谦称，人愈大，变得愈来愈懒：「太多包袱，好惊一样嘢做出嚟唔好呀。（《新扎师兄？》）享受当年演出，没包袱，没乜人对你有咩期望，反而自己钟意点做都得。我同熟朋友就会放啲。」
记错伟仔演《咖喱辣椒》 林海峰失言
商台的访问爆出一个小插曲，林海峰访问伟仔时说，很怀念演喜剧的伟仔，更只想再看他演《咖喱辣椒》，伟仔没有回应，只尴尬地以笑带过。林海峰再追问「即刻唔答我」，伟仔解释：「我反而享受嗰阵啲演出，因为没包袱，没乜人对你有咩期望。」其实，林海峰说的电影《咖喱辣椒》(1990年)是由周星驰与及张学友主演，伟仔没参演，难怪场面非常尴尬，及至访问后，林海峰在社交网发贴文道歉。 |
您可能有兴趣:
|
搜寻新闻
