【本報記者報道】逾60年樓齡的彩虹邨早前已傳出重建消息，不少街坊即時對彩虹邨的未來掀起討論。早前一名女申請人在公屋討論區發帖，表示獲派彩虹邨丹鳳樓單位，好奇為何重建在即，房署仍編配單位，正「心大心細」是否應該接受。事件隨即引發網民熱烈討論，不少網民指重建需時逾10年，獲派市區單位如「執到寶」，重建又有「新屋住」，認為應即時接受。

該名申請人發帖後，不少網民坦言大感羡慕，有人指：「正，就快公布(重建)了，未公布前都會繼續派的，住幾年又有新公屋住」；有心就指「等多幾年先，你咪當佢係過渡性房屋咁住先囉」。有心水清的網民更指：「等搬都要時間，有好多人住得辛苦嗎，又平租住自先，到時搬去對面就好開心！」

網民建議勿大肆裝修

不過，亦有網民冷靜分析指：「即使就拆，其他一切都要繼續運作的。等於一間公司若準備搬，要請人時都要繼續請人㗎。」亦有人連細節都有建議：「恭喜你呀！但係唔好大事(肆)裝修，到差嗰陣時你有新屋住，仲可以揀地方；可以要求高啲嘅選擇！新嘅公屋越嚟越靚！不過價錢當年越嚟越貴啦！不過值得，仲有搬遷費添。」另一網民則說：「等到真係拆，咁大型既同區安置即係起到新邨先有位俾你搬，你諗下要幾多年？俾我都會要咗先，起碼近地鐵又唔駛捱貴租/劏房，最多唔花大錢裝修，預用返1x年後就換新野啦。」

發帖港女最終未有言明是否有接受房署的編配，但單從事件的討論，反映目前「公屋是寶」的「王道」仍然未變。