【本報記者報道】無綫《萬千星輝頒獎典禮2023》昨晚(14日)移師澳門舉行,憑主演《新聞女王》爆紅的佘詩曼3度榮登視后寶座,並成為頒獎禮有史以來「最佳女主角」得獎次數最多的一位,她同時兼獲大馬及大灣區視后殊榮,連同「最佳衣著女藝人」,全晚其奪得4個獎,成為大贏家。。陳豪以《破毒強人》出眾的演技,相隔17年再登視帝寶座。
人氣劇《新聞女王》橫掃「最佳劇集」、「最佳女主角」、「最佳女配角」、「最佳電視歌曲」、「大灣區最喜愛TVB劇集」、「大灣區最喜愛TVB女主角」、「馬來西亞最喜愛TVB男主角」、「馬來西亞最喜愛TVB女主角」,成為大贏家。
現年52歲的陳豪憑電視劇《破毒強人》,以大熱姿態再奪視帝,共獲提名28次視帝。他受訪時表示︰「我都唔知道自己原來提名咗『最佳男主角』28次,所以今晚再得獎好開心﹗我成日話獎項係鼓勵,係話畀我哋知過往一年嘅努力,我哋做嘅嘢係做得幾唔錯,可以繼續努力。 (由太太陳茵媺頒獎特別有意義?)係,好難得佢有份參加今年頒獎禮,再加埋由佢頒畀我,感覺唔一樣。佢將我啲眼淚都攞埋出嚟,嗰種感動係唔一樣。喺太太手上攞呢個獎,好少人會試到呢種感覺,(好甜?)甜上面再加少少漏﹗」
《新聞女王》橫掃8大獎項
憑《新聞女王》飾演「許詩晴(Cathy)」表現出色的高海寧(高Ling),以大熱姿態在頒獎嘉賓譚耀文和姜皓文手上奪過女配角獎座,而今次亦是高Ling入行15年首次獲獎,她在宣布得獎時已激動落淚,「Man姐」佘詩曼和李施嬅特別上前與她擁抱送上祝賀。
向來演活小角色的林子善憑《隱形戰隊》,爆冷奪獎,他在台上更一度跪地,他說:「呢個獎,一世人攞一次!」他更在台上多謝周星馳,又大賣口乖擦TVB鞋,非常識做! |