陈嘉莉在片中饰演女警。

张建声未食排水丸好肥仔。

张建声食完排水丸后暴减15磅，劲颓废。

陈嘉莉在片中饰演女警。

张建声未食排水丸好肥仔。

艺人张建声（Justin）在首次出任联合监制、将于明天上映的电影《作家的谎言：笔忠诱罪》中，全情瞓身演出，除了增肥20磅扮作家「徐哲」，拍落水戏又撞崩牙外，其实他尚有几幕戏搵身体较飞，其中一场戏讲述他被警方拉去问话，为了在外形上更颓废，他连食四日排水丸，令体重轻了15磅。

头撼地四脚朝天

样残兼减磅仲未够，该场戏讲述Justin被警员审查，饰演女警的Justin女友陈嘉莉（Kelly），因发现这位作家偶像出轨，问话期间嬲到震，先擸了一本书兜头啪Justin，更愈讲愈激动，大力推他心口，令坐在櫈上的Justin失重心成个挞低，头撼地兼四脚朝天，Kelly可谓坚打男友唔留力！而一拍完该镜头，Kelly和同场的赵永洪立即扶起他休息。
事后Kelly亦觉得肉赤：「嗰日提前到现场同导演度点做，但Justin食紧排水丸比较虚弱，排位时同佢沟通，佢叫我用力去尽，头撞落地时都觉得唔好意思，即刻扶佢，都关心佢嘅。」Justin则说：「我哋有沟通过，叫佢畀真力，嗰日大概拍咗五个take，初头两吓落地都震一震个头，但ok嘅。」