【本報港聞部報道】許志安及黃心穎的士車廂纏綿偷食事件，不但成為城中熱話，更引發大大小小的商戶及機構借此「抽水」，其中甚至連九巴和廉政公署也加入「抽水」行列，九巴借此警告乘客勿在車廂內進食，直指「偷食至係罪大惡極」，廉署則以「Cheat精Cheating斷到正」為題，指明咪以為保密功夫做到足就可以Cheating（出軌）。
「偷食至係罪大惡極」
九巴在專頁Facebook貼上漫畫，只見車廂中有一對老鼠，男的戴白色Cap帽，女的戴黑色口罩，與外流的士片段中許志安與黃心穎打扮一樣，內文則表示「你知唔知道其實巴士上面都有Cam㗎！如果你喺車上偷偷哋食嘢一樣會被發現！到時被人瘋傳就唔好啦！另一半見到點算好呢」，貼文下方有不少tag（標籤），包括「偷食係唔啱㗎」、「車廂唔畀食嘢是常識吧」、「若要人不知 唔好太低B」、「鯉魚門線呢期會睇緊啲」等。貼文至凌晨獲逾3,100則回應，笑言九巴「好抽得」、「成個地球嘅水都俾你抽乾晒啦」。
廉署亦在Facebook的「全城‧傳誠」專頁貼文，指「咪以為保密功夫做到足就可以Cheating，數碼足跡、天眼到處都係，要搵貪污證據，其實唔難，邊有咁易走得甩」，貼文下文亦有不少tag（標籤），包括「貪念是一條大坑會坑掉人的哦」 、「貪心邊有得咁安心」、「以為瞞天過海其實係你愚瞞」。
迷你車玩具專門店「Tiny微影」則在fb貼出的士模型撐馬國明，表示「今天紅的已成為城中主角，好彩TINY Fans係絶對唔會貪新忘舊，降魔的司機不要傷心，現實世界你一定可以遇到更好」。 |
搜尋新聞
