【本报记者报道】视帝郑嘉颖昨天（5日）出席一个关怀脑退化症患者的慈善活动，在台庆剧《星空下的仁医》饰演「鬍鬚医生」的他，更令他初尝搭得士不用付款的感觉。「我第一次咁大个人，搭的士唔使收我钱。落车嗰阵，个叔叔就唔驶我畀钱。佢话：『我唔收你钱啦！唔需要收。』我话：『唔好，你做生意，点都要收。』佢话：『唔使啦！真係唔使啦！你拍多啲好戏畀我哋睇啦！』哗！我嗰刻係好温暖，因为我拍咗咁多套剧，都未试过话唔收钱，点解鬍鬚医生试到呢？咁係开心事嘅，多谢佢。」

现同TVB签一骚一个合约的嘉颖不抗拒到任何电视台工作，问他TVB有否接洽他拍下一套剧，他说暂时没有，要看缘分，指隔5年再合作，可能之后再隔5年。

就TVB深夜时段重播《怒火街头》，问是否为视帝大热的郑嘉颖谷人气？他多谢TVB睇得起他，他坦言视帝奖项改变了他一生，希望奖项能够给未取过的人，他举例现在播紧的《拳王》谭俊彦(Shaun)、张振朗，又操得咁辛苦。「我希望Shaun又可以赚多啲奶粉钱啦！我觉得佢哋两个都好努力。睇观众，高层啦！高层啲票都好紧要！」

头痕送什么圣诞礼物

临近圣诞，郑嘉颖透露，有20多日假，但笑言唔想再Staycation，会按照惯例同家人开派对食饭庆祝，但仍头痕紧送什么圣诞礼物给陈凯琳，问了好多，都不愿给任何提示，又惊买了她不钟意。