【本報記者報道】無綫為迎接夏日，昨日（22日）於將軍澳電視城舉行「Happy Summer」記招，宣佈推出一連串全新綜藝及資訊性節目，一眾TVB藝員傾巢而出，場面熱鬧。電視廣播有限公司總經理曾志偉更宣布與多地合作，製作重頭項目《亞洲超星團》，期望發掘更多潛力新人，為樂壇打造新偶像男團。對於近日盛傳一連13集的遊戲節目《真係唔好笑》，因「唔好笑」兼收視差疑遭腰斬。當中有份主持的馮盈盈和麥美恩（Mayanne）則強調：「只係節目上有調動。」並指會互相檢討。
馮盈盈和Mayanne在記招完結後，接受傳媒訪問時被問到《真係唔好笑》疑遭腰斬一事，Mayanne表示十分多謝大家關心，她說：「其實只係節目上有調動，依家播咗8集，其餘5集會延至暑假先播。（是否因為收視差？）的確未如理想，會互相檢討，希望下次再進步。」她承認首次拍攝這類形式的真人騷遊戲節目是一項挑戰，期望公司會繼續給予機會再試。
麥美恩怕著泳裝嚇親人
至於收視未如理想，盈盈坦言未有失望，她表示：「大家拍攝期間都好投入同好享受，我哋都只係希望觀眾睇得開心。」Mayanne續說：「大家都係以嘗試心態去進行拍攝，無話包會收視好。」提到會否趁暑假來到再穿泳裝展現好身材示人，麥美恩笑住話驚嚇親人，不過2人搞笑地提議公司可以開新節目《中年好身材》，到時再著，全場記者大笑！
至於曾志偉亦有幫手向傳媒解釋，否認腰斬《真係唔好笑》：「只係節目調動，會押後播放，節目主要睇觀眾反應，我哋都拍落好多節目仲未出街，我哋夠估唔到用好少資源去製作《中年好聲音》，但反應出奇地好啦。」至於幫樂隊溫拿的8月演唱會拍攝製作特輯，志偉表示全因好友譚詠麟（校長）開到聲，亦覺得是對方最後一次開騷，趁有時間便幫手製作節目做宣傳。他說：「一對樂隊要維持50年，真係一啲都唔容易，好難得！」
否認打造新男團撼MIRROR
至於重頭節目《亞洲超星團》將在8月推出，志偉對節目高度重視，並指現正進行海外招募，先後去過包括日本、韓國、馬來西亞、內地及日本等地「揀蟀」，他說：「其實已經（喺香港）揀咗好多，我哋聯絡咗好多唔同地方嘅唱片公司、模特兒公司，亦有好多都係由經理人及模特兒公司推薦，我哋都有推薦旗下藝人（星夢）嘅，陸續仲搵緊人。」被問到是否打造新團對撼男團MIRROR，志偉否認：「呢個係亞洲性節目，唔單只香港播，其他地方嘅電視台都會播。我哋揀人都好嚴格，雖然不設年齡限制，不過會盡量揀後生仔，同唱得跳得嘅！
余思霆性感出浴
另外，會上亦公佈了其他新節目，包括親子節目《爸知弊！氣嚟湊吖！》、寵物節目《超級毛特兒大賽》、旅遊節目《周遊關西》、《限定Super遊》和《請1日假去旅行》等，還有緊接《勁歌金曲》推出的全新音樂節目《勁歌金榜》和《J Music等等。當中余思霆更在《限定Super遊》穿上運動內衣在冰天雪地中展示滑雪英姿，又露出香肩浸溫泉，性感又香艷，相信觀眾會大飽眼福。
|
搜尋新聞
