【本报记者报道】女歌手李幸倪（Gin Lee）日前受邀飞到匈牙利布达佩斯出骚，演出期间，Gin Lee一连唱了《Dum Dum》、《很坚强》和《今天终于一人回家》，台下反应热烈。
原来今次是Gin Lee第二次到匈牙利，多年前她亦曾到布达佩斯演出，那次更顺道与家人旅行，不过那次的记忆已经很模煳，「我发觉好多细节我都唔记得咗，所以今次我影咗好多相、拍咗好多片，拍咗啲vlog，到时大家就可以睇。同埋我今次一定会记得我去过边、做过啲乜嘢，唔会好似上次咁有少少模煳。」
由于是第二次到访，Gin Lee除了表演，更导游上身带领未到过匈牙利的同事周围吃喝玩乐，而且又上网做足功课，去市集购物和看当地美丽的建筑。问到在当地有没有艷遇，她即时落闸：「梗係没啦！」不过街拍时就被众多途人围观，更被一位叔叔偷拍。
她说：「有个叔叔直头企咗喺我两步距离嘅位置，碌大对眼望实我影相，我就好尴尬，然后我就望住我同事，同事就『睥』番佢，跟住佢就走咗，但係佢行多两步远少少喺度扮自拍，但其实係影我，就係遇到啲咁的事，咁可能係我太靓啦，没办法，哈哈！都几搞笑。」
除此之外，时差亦严重打乱她的严谨饮食时序，「嗰边慢香港5、6个钟，我哋8个钟飞机，跟住等6个钟转机，跟住再飞多5、6个钟，到达咗之后个时间已经乱晒，导致食嘢时间都乱晒，譬如夜晚12点几时仲喺度食晚餐，跟住零晨3、4点仲喺街度行。心谂：『哎吔！大镬啦！』」
「放弃人生」入乡随俗
最后她决定「放弃人生」，实行入乡随俗，不过回港后又要再次适应，「我记得返到嚟嗰日係半夜，好肚饿！点解会好肚饿呢？谂谂吓，係喎，布达佩斯时间係食晚饭喎。」不过回港后Gin Lee便要回到她严谨的减肥餐单，「因为嚟紧要拍新歌MV，又要即刻入录音室录音，跟住有啲拍摄工作，所以呢几日要好勤力准备录音同减肥。
|
搜寻新闻
