【本报记者报道】乐坛天后容祖儿（Joey）相隔四年终于宣佈7月在香港开骚，歌迷等足4年，海报未出，演唱会名也未定，但内部认购已惊人地宣佈超额已满。而门票昨日（29日）公开发售亦马上秒杀。不少歌迷在网上唿叫：「买不到呀！救命！」
Joey日前正式公佈举行《ANOTHER SIDE …… JOEY•MY SECRET•LIVE》，个唱由7月13日开始，暂定尾场为8月22日，一共33场。她知道网上抢票很难，所以一早已经细心为歌迷会安排了1日专场，但1日又怎够歌迷4年相思之苦？所以歌迷都希望祖儿可加场。
望加开慈善场
祖儿谓加场要跟公司商量与安排，她在想是否可以做多一些，带点温暖及有需要的人，Joey说：「其实为防打风落雨等等，可能仲有少少档期。谂紧如果可以，不如好似上次咁，加开慈善场，大家一齐做些有意义的事，实行到等公司再宣佈。」
Joey续说：「当然开红馆係一个选择，明年或者会开红馆呢，哈哈。今次我拣APA（演艺学院）先，係好想有一个同观众超近距离空间去分享时光，6年前来过睇骚的，都会明白APA无论係做骚或者睇骚 ，都会得到另一个层次感受同感动，而且歌迷都问咗我6年，会唔会再开呢种骚，咁档期及所有工作都配合，就即刻决定再做多次。」
早前Joey为这个骚影海报，当日大师林海峰（Jan）影了个多小时就宣佈收工，令她也吓一跳，「真係好多谢阿Jan，佢其实好忙，又舞台剧，又好多其他工作，上一次《My Secret·Live》都係佢设计海报。」她亦指Jan由Joey入行至今都一直默默支持她，所以十分安心让Jan帮她设计海报。
叫歌迷留言拣歌
至于同样再请来导演彭秀慧，祖儿就表示女导演会在骚内浸多一份温柔，2人再度合作会再有一定压力，不过会要求超越上次。Joey续说：「所以连月来佢都不停迫我哋开会开会开会，佢已经听紧我几百张唱片拣歌，我想同步开放比歌迷一齐拣，大家想听咩去我IG留言，写低歌名，我哋一定会睇到研究係咪适合，快啲留言俾我啦。」
|
搜寻新闻
