【本報記者報道】樂壇天后容祖兒（Joey）相隔四年終於宣佈7月在香港開騷，歌迷等足4年，海報未出，演唱會名也未定，但內部認購已驚人地宣佈超額已滿。而門票昨日（29日）公開發售亦馬上秒殺。不少歌迷在網上呼叫：「買不到呀！救命！」
Joey日前正式公佈舉行《ANOTHER SIDE …… JOEY•MY SECRET•LIVE》，個唱由7月13日開始，暫定尾場為8月22日，一共33場。她知道網上搶票很難，所以一早已經細心為歌迷會安排了1日專場，但1日又怎夠歌迷4年相思之苦？所以歌迷都希望祖兒可加場。
望加開慈善場
祖兒謂加場要跟公司商量與安排，她在想是否可以做多一些，帶點溫暖及有需要的人，Joey說：「其實為防打風落雨等等，可能仲有少少檔期。諗緊如果可以，不如好似上次咁，加開慈善場，大家一齊做些有意義的事，實行到等公司再宣佈。」
Joey續說：「當然開紅館係一個選擇，明年或者會開紅館呢，哈哈。今次我揀APA（演藝學院）先，係好想有一個同觀眾超近距離空間去分享時光，6年前來過睇騷的，都會明白APA無論係做騷或者睇騷 ，都會得到另一個層次感受同感動，而且歌迷都問咗我6年，會唔會再開呢種騷，咁檔期及所有工作都配合，就即刻決定再做多次。」
早前Joey為這個騷影海報，當日大師林海峰（Jan）影了個多小時就宣佈收工，令她也嚇一跳，「真係好多謝阿Jan，佢其實好忙，又舞台劇，又好多其他工作，上一次《My Secret·Live》都係佢設計海報。」她亦指Jan由Joey入行至今都一直默默支持她，所以十分安心讓Jan幫她設計海報。
叫歌迷留言揀歌
至於同樣再請來導演彭秀慧，祖兒就表示女導演會在騷內浸多一份溫柔，2人再度合作會再有一定壓力，不過會要求超越上次。Joey續說：「所以連月來佢都不停迫我哋開會開會開會，佢已經聽緊我幾百張唱片揀歌，我想同步開放比歌迷一齊揀，大家想聽咩去我IG留言，寫低歌名，我哋一定會睇到研究係咪適合，快啲留言俾我啦。」
|
搜尋新聞
