【本报记者报道】日前，歌手洪助昇（Aiden）突袭歌迷为他庆祝出道1周年的应援聚会时，已预告将会推出新歌，MV更会有突破性演出，昨日（29日）全新派台作品《单曲循环症》MV正式上架。
新歌沿用Aiden出道歌曲《凭实力单身》班底，徐浩监制、阿木填词，他忆述跟词人提到现代人的爱情故事均大同小异，「发现好多人习惯咗一个人喺自己身边，从而夹硬继续喺埋一齐，所以呢首歌主要係用一个比较理性嘅角度讨论喺爱情入面，你继续被情感牵住，但最后未必係一个好嘅结果。」
为了呈现这种愤不顾身的爱情，MV导演以「跳崖」方式呈现，「喺爱情入面，就好似跳崖咁跳咗入去一段关係，但往往都係自己不断受伤，虽然明知会受伤，但情感会沖昏我哋嘅头脑，没好理智分析继续落去双方都会受伤，同时亦没好好保护自己。」
MV连续拍摄24小时，Aiden早上6时便要出发，第一场更是浸冰戏份，拍摄后他差点以为自己会猝死，「拍嘅时候一开始好兴奋，但拍落去发现身体呃唔到人，拍嗰日好冻，导演又不断加冰，拍完呢场有一刻发现自己心跳好快，嗰刻好惊自己会猝死，但休息咗一阵就没事可以继续拍摄，我都唔係好够胆俾同事知道，因为佢哋好锡我，一定要我去检查咗先。」
跟Zoe咀对咀餵水
除此之外，Aiden直言有一幕更激的戏码，「就係同MV女主角Zoe（余洁滢）咀对咀餵水嘅戏。」Aiden自爆对上一次拍接吻戏已经是7年前，「太耐之前啦，我唔识得点锡，已经唔记得咗。」不过因为跟Zoe是朋友，所以又变得放心，「几年前我同Zoe喺一个acting class（演技班）入面认识，因为大家係朋友，所以拍嘅时候我都好怕会笑场或者尴尬，好彩当时大家都好沉醉喺个故事入面，我亦都同自己讲：『要好好咁呈现呢场咁刺激而有意思嘅戏份。』」
最后这幕互餵水的戏码NG了7至8次，「因为第一take啲水涌出嚟好似瀑布咁，所以要好好控制水嘅流量。同埋对于我呢一种『凭实力单身』嘅人嚟讲，对上一次锡係7年前嘅人嚟讲，今次真係一件几冲激嘅事。
|
搜寻新闻
