【本報記者報道】組合MIRROR人氣成員姜濤推出2023年首支派台作品《Dummy》，新歌是他在今年叱咤頒獎禮演出過後的一次自醒作品，因此花上較多時間製作外，亦走到台灣找來強勁幕後班底炮製MV，並請來自己偶像羅志祥的御用排舞老師大目為《Dummy》編舞，並為歌迷「姜糖」帶來遲來的驚喜。而MV前日（30日）上架到昨日中午已獲破百萬點擊。
姜濤本打算在年初推出一首較輕快的歌曲，但自叱咤事件後，他覺得要即時推出一首能夠道出心聲及提醒自己的作品，姜濤道：「叱咤之後，對於自己好多表現都好唔滿意，所以希望出一隻自嘲嘅歌，同時藉歌曲提醒自己要保持清醒，觀眾無論鬧或讚，我都能夠勇於去接受，因為有人鬧、有人話，都好過冇人留意，而且自己仲有好多進步空間。因為想帶出呢個Message（訊息），所以用咗3、4個月籌備歌曲。」
姜濤指當初聽到試用版還以為是來自台灣的作品，他說：「原來係香港作曲人，朱敏希都係第一次嘗試呢種快歌，但水準好高。至於梁栢堅，一直都有留意亦好欣賞佢嘅作品，佢平時嘅詞作同Social Media（社交平台）嘅發文都係比較玩味，今次《Dummy》想做到自嘲、自己都想笑自己嗰種玩味感覺，所以今次就有呢個班底組合。」
跟羅志祥御用排舞師合作
MV方面，姜濤聽取很多朋友意見，邀請了台灣被譽為鬼才導演的伍致綸（Ares Wu）操刀，導演為新歌MV展現姜濤過去作品中未曾見過的藝術美。至於舞蹈方面，姜濤請來偶像羅志祥的御用排舞老師大目為歌曲編舞，姜濤道：「喺台灣甚至香港，所有排舞老師都識大目，佢係一個非常有經驗嘅排舞老師，所以非常榮幸有佢嘅參與，而今次有台灣團隊參與，都俾我好多新感覺、新體驗。」
姜濤還說：「一聽到前奏，第一時間就諗到敲頭、敲醒自己嘅動作。」姜濤更表示，對於某些聽眾來說，今次部份歌詞內容可能有點深奧，曲風較黑暗，但副歌易入腦，假若大家只記得「Dummy」這一句歌詞，他都已達到目的了。
他又補充道：「歌曲藉木偶題材去講返我自己。喺過去一段時間，自己慢慢都變成一個木偶，自以為可以做到好多嘢而唔知自己係一個被操控嘅木偶，希望自己可以覺醒，可以變成一個聽到人哋講嘢嘅Artist（藝人）。」
|
搜尋新聞
