2023年 09月 23日
星期六
   | 氣 溫 : 34 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

《一舞傾城》賣女惹爭議 陳星妤指劇情合理兼不老土 吊威也一幕扮享受美腿成焦點
發佈日期 : 2023-06-06

趙碩之眼見囝囝慘受同學欺凌,在囝囝面前忍淚一幕,
陳星妤被網友大讚似初戀女友。
陳星妤吊威也時露出美腿,成為全集焦點之一。
陳星妤跟袁潔儀演出的「賣女落火坑」 一幕惹來爭
趙碩之眼見囝囝慘受同學欺凌,在囝囝面前忍淚一幕,
陳星妤被網友大讚似初戀女友。

 


【本報記者報道】由王晶擔任製作人的無綫劇《一舞傾城》,雖然有不少觀眾批評劇情老土,甚至惹來前無綫女星李婉華批評,劇中一幕袁潔儀飾演的KK媽為錢而慫恿陳星妤(Yvette)飾演的阿女KK落火坑做舞女,怒指該劇情教壞人,更令王晶大動肝火隔空大罵!Yvette接受《成報》獨家專訪時,對該爭議劇情作出回應,大指代入該年代和角色,劇情十分合理且不老土。而她在最新一集吊威也扮享受一幕,一雙美腿搶盡焦點!


 


對於KK媽在劇中的「賣女」舉動,Yvette表示:「我自己就覺得身處現代當然唔合理,可能身處嗰個年代,我又覺得KK呢個女仔唯一可以咁快賺到錢而又不被玷污,其實在阿媽角度,特別佢做過舞小姐,咁代入返個角色,當然正常阿媽係唔會咁,但呢個阿媽係去到山窮水盡,又要照顧兩個小朋友。」


 


指街外人睇得太誇張


 


她續說:「我覺得短期做一段好短時間可以救急,佢想做舞小姐都唔係主動,所以嗰場戲KK都覺得好愕然,點解阿媽會叫我做舞小姐,所以佢(KK)都唔想去到叫生叫死,本來我(角色)都唔會做呢啲嘢,點知呀媽竟然OK!」Yvette認為劇情是發生在上世紀的舞小姐故事,劇情一點都不老土,並強調代入角色後劇情是無問題,反而是外面的人睇得太誇張。


 


另外,昨晚(5日)一集陳星妤要嘗吊威也拍戲滋味,樣子甜美的Yvette吊住威也飛來飛去,其中一個鏡頭她從高空降落,在上升氣流影響下,晒出無敵美腿,十足仙女下凡。不少網友大讚:「好有明星氣質」、「KK女神,最靚女」、「樣子甜美楚楚可憐想保護她,係初戀呀。」


 


期待參演古裝片


 


講到吊威也,Yvette受訪時透露今次並非第一次:「之前選港姐時都吊過一次,吊威也都幾驚架,但又要顧住個樣,因為要做到好Enjoy(享受)咁。」問到對拍古裝有否興趣?星妤笑言:「我好有興趣呀,自己都好期待將來可以參演古裝片。」


 


趙碩之惹網友同情


 


此外,劇集自播出以來深受內地網友歡迎,在微博關於「一舞傾城」的話題突破4億閱讀量。其中「#一舞傾城句句誅心#」的話題,內容是趙碩之飾演要獨力湊大仔仔的單親媽媽媚媚,眼見囝囝因自己的舞小姐身份慘受同學欺凌,遂以「媽咪唔係雞,媽媽係兔仔」氹番仔仔,這場戲令網友深受感動,成功勁吸逾7,700萬閱讀量。


 

您可能有興趣:

1
《紮職2》首映大玩懷舊 陳家樂疑食外賣致腸胃炎 黃宗澤親自整煨魷魚謝票

2
鄭俊弘恨追多個女湊好字 何雁詩搵銀緊要生B行後

3
關嘉敏演活痙攣病患者 床上「震」足一個月嚇窒家人

4
郭珮文拍片晒事業線 網民讚越來越有星味

5
《釀魂》監製疑鬧有人無影 特別演出袁澧林 成嫌疑人

6
MIRROR好兄弟撐場 陳瑞輝舞台劇表現獲讚好 姜濤台片入圍夏威夷影展

7
《職場新仔》晒「HeHe」情 權赫文志溶演情侶默契十足

8
徐嬌獲周星馳大讚靚女 宣布重返星爺公司合作

9
衣錦還鄉返大馬拍戲 廖子妤新片班底強勁

10
粉絲猜戒指圍20cm 張敬軒笑稱似被騷擾:好引人遐想

11
演失禁吸毒妹贏好評 區明妙黑眼圈素顏上陣 何廣沛活捉泥鰍一額汗

12
陳嘉慧被爆閃婚 本尊回應:到時咪知

13
鄭裕玲遊首爾衝上塔頂 細貓應智越嚇到腳軟

14
溫碧霞欣賞後輩演出年輕版 林千渟重溫《靚妹仔》取經

15
早前宣布開辦演藝學校 張敬軒現身大學歌唱比賽 擔任評判乘機自肥揀卒


首頁