【本报记者报道】由袁伟豪（Ben）孖住张振朗（Owen）担任主持的综艺节目《欧洲铁骑游》，明日（16日）播出的第2集是第3至第5日行程，Ben率先开着铁骑在被喻为全世界最靓的路段风驰电掣，去到全意大利最高的露台打卡，欣赏加尔达湖无敌靓景，Owen大嘆：「苦尽甘来，可以睇咁靓嘅景，真係好值得。」
翌日的行程，Ben暂时离开大队出发参观有近千年歷史的古堡，惟他出发后不久便再次遇上阻滞，因早两日行程下大雨关係，导致Ben的铁骑同时出现状况，两人要临时换上其他铁骑，最终搞到迟到更一度激嬲古堡主人！第5日是休息日，Ben以型仔打扮慢游意大利小镇，一边叹啡一边回顾昔日「搏命」岁月。
三字头身体严重透支
Ben坦言30岁到38岁期间将身体严重透支：「拍完《铁探》之后身体係好差，但对于我自己嚟讲係问心无愧。」Ben拿出拍《铁探》时皮包骨的照片，笑言当时的身形似足「道友」，并坦言：「拍完之后身体係『弯』咗，唔係点解大家会成日觉得我好攰、好残，其实我都唔想嘅，係咪真係值得咁做？如果问多我一次我都係会咁做。」
Ben续指当时的身体状况差到连栏杆都跨不过，他说：「我嗰时攰到嘅状态係我去到栏杆面前发觉自己脚软，好似有把声同我讲：『你唔掂呀，你跳唔过去㗎！』我真係Feel到晏昼食嘅嗰粒鸡蛋，朝早食嘅粟米片已经用尽，曾经香港先生操番嚟啲肌肉没晒！」
张振朗台庆搏命出事
Owen则重提其中一年台庆的搏命实录，他说：「有一年台庆有个环节係讲训练班，我係要做一只马骝，讲我要挞落一张枱度，一Action时肾上腺素飙升，当时没缆到腰封就飞起身挞咗落去，之后就Feel到仆X喇，觉得好大镬，最后都继续死顶做埋佢，第二日即刻去咗睇医生！」
Owen还透露少许新剧《夺命提示》拍摄事宜，他说：「我以前做动作戏好瞓身，一嘢就会飞埋去，但Jazz（监制文伟鸿）就好好，佢好注重大家嘅安全，一定会保障大家唔会有意外发生，去到最危险嘅前一步就停！」
|
搜寻新闻
