關嘉敏飾演患有神經性肌肉痙攣的運動選手。

【本報記者報道】藝人關嘉敏（Carman）近日演出無綫劇《你好，我的大夫》，飾演患有神經性肌肉痙攣三項鐵人運動選手關穎璇。由於經常不受控制地痙攣，萬念俱灰的她危站天台企跳，嘉應（蔡思貝飾）見到後即緊張前往予以阻止，原來當年嘉應好友（史穎喬飾）亦因備受類似情況困擾跳樓身亡。

為免悲劇重演，嘉應一再勸說，卻換來看不見曙光的穎璇冷笑：「中醫？西醫都幫我唔到，中醫點幫我呀？我受夠喇！你哋唔好再畀假希望我！」一句：「與其冇希望咁生存，我寧願早啲解脫」更道盡長期病患的苦況。

Carman事後受訪時笑言該場喊戲其實很「忙」，既要兼顧複雜的情緒表達，包括絕望、藐視及無助等不同層次的心情，又要兼顧「高度」，Carman笑言事後很緊張相關場口表現：「播之前我都有追問監製，佢都話睇到有少少想喊，咁我就放心少少，但依然會好緊張。嗰場喊戲又要發脾氣、又要跳樓，其實場跳樓戲我係有啲期待，因為吊到好高，我份人好鍾意刺激嘢，但上到去其實我係腳震。對我嚟講，痙攣、跳樓都係我第一次，我覺得好開心，因為學咗好多嘢。」

Carman事後透露要在網上搜尋痙攣病人的資料並不容易，因為發生痙攣時旁觀者會去幫手而不是拍片；所以就改為搜尋痙攣徵狀，再加自己幻想打造角色，為了盡早投入角色，Carman更於開拍前在家中獨自在睡床「震」足一個月，因而嚇親家人。