惠英红一身时尚造型现身米兰。

惠英红与班尼狄甘巴贝治合照。

惠英红一身时尚造型现身米兰。

惠英红与班尼狄甘巴贝治合照。

【本报记者报道】影后惠英红（红姐）获时尚品牌邀请参加2024春夏米兰时装週，原来这是红姐首次踏足米兰且参与时装週，来到这个时装之都，红姐坦言要大出血：「米兰我未嚟过，我觉得係一个好有味道嘅城市。今次时装週我係睇Prada嘅骚，佢啲衫好靓！同埋我觉得好适合我着，所以我决定会买好多件！因为真係好靓！」

红姐表示期间发生不少趣事，例如跟团队外出吃饭时，她「得个睇字」：「今次係寓工作于娱乐，我哋有出去疯狂购物、疯狂食嘢，应该係话我睇住佢哋食嘢，因为我今次要着一啲之前已经fitting（试身）好嘅衫，所以我唔敢食太多，惊肥。」

在时装骚上，红姐与不少影星互相集邮，如凭泰国BL剧《因为我们天生一对》爆红的Win、于漫威系列电影中饰演「奇异博士」的英国着名男星班尼狄甘巴贝治（Benedict Cumberbatch）等。

难忘事亦不少，最开心撞见不少老友，「最难忘係喺呢度我见到好多我嘅『honey』呀，见到一啲我好想见到、又有啲好耐没见嘅朋友，譬如杜鹃，我已经一年没见到佢，今次见到佢我好开心，都几想念呢个好朋友。」

红姐今次亦乘机跟大家分享着衫贴士，她表示自己对时装有要求，重点是人着衫而非衫着人，「每个人都有自己性格，同埋视乎自己嘅身形，我唔会勉强自己去着一啲而家好潮嘅衫。着衫最重要将自己缺点掩盖，将优点曝露出嚟。我缺点就係我唔太高，我就会搵啲衫着到自己好高，同埋我唔係太女性化，咁我就会着一啲比较偏少少带中性，或者强悍一啲女强人嘅款式。」