2024年 04月 14日
星期日
   | 氣 溫 : 26 度
搜尋新聞
簡体中文
即時新聞 視頻新聞 要聞港聞 社 評國際兩岸 財 經 娛 樂 體 育 馬 經 副 刊 昔 日

黎耀祥拍《巾幗》有新衝擊 胡定欣「頂天立地」忙到瘦
發佈日期 : 2023-12-05

祥哥食不停口,看來好滿足。
曾勵珍請食飯,大家忙裡偷閒食飯放輕鬆,相當愉快。
祥哥請大家飲嘢。(左起)莊思明、馬海倫、黎耀祥、
祥哥食不停口,看來好滿足。
曾勵珍請食飯,大家忙裡偷閒食飯放輕鬆,相當愉快。

【本報記者報道】黎耀祥及胡定欣等在橫店馬不停蹄進行拍攝新劇《巾幗梟雄之懸崖》,兩人也是第8度合作。定欣說,差不多天天都要開工,因角色對體力和精神消耗相當大,所以勁消瘦。祥哥則靠出外「搵食」來慰勞自己。無綫助理總經理(戲劇製作)曾勵珍和製作部總監(戲劇製作)徐正康日前專誠到橫店探班兼打氣,珍姐還自掏腰包請食飯,氣氛愉快!

「視帝」祥哥亦請大家「喝飲料」。對於珍姐和徐生探班,祥哥受訪時說:「今次冇乜時間帶佢哋去玩,係最後一晚珍姐請大家食飯,佢睇咗片之後都好滿意,覺得成個製作都好唔同,既有TVB嘅特色,又有內地製作上嘅配合,好有大片嘅感覺!」

曾勵珍自掏腰包請食飯

祥哥透露,今次拍攝行程十分緊密,差不多日日都要開工:「冇乜時間叉電,有段時間係A、B組咁拍攝,拍完A組就過B組,有時早咗少少收工,就出去食飯。」

問及有何拍攝難忘事?祥哥說:「今次同好多內地工作人員合作,畀到我好新嘅衝擊,呢度地方比較大,個景都豐富啲,戲劇嘅效果都會加強咗,同埋監製(方駿釗)對我哋好好,佢專登安排咗啲飯盒係少啲油、鹽、糖,通常都係三菜一肉比較清淡啲,大家都食得好習慣。」

談及與胡定欣第8度合作,祥哥說:「佢都算係我喺TVB合作最多嘅女演員,所以今次合作都好有默契,大家都會一齊食個飯,工作上有啲咩都會交流吓。」定欣受訪時也說,跟祥哥合作了好多次,對上一次是《公公出宮》,每次跟他合作都是一個學習機會,好似再上堂。今次的角色跟以往好不同,需要應付好多大場面及長對白。

定欣一有時間即補眠叉電

定欣說,今次角色對體力、精神消耗比較大,拍攝期間消瘦不少。她說:「今次唔駛做運動都消瘦咗,啲衫褲都鬆咗,係真係開住工瘦!我本身都少食澱粉質,但拍呢套劇消耗比較大,所以都一定要食飯,但消耗實在太大,食完飯之後,拍完一兩場就已經開始肚餓!」

定欣說,開工頭一個月特別忙:「我嘅銀行主景要連開十幾日,之後亦都有唔同嘅景連開幾日,第一個月真係好辛苦,冇乜點休息過,內地有說法叫頂天立地,即係頭場去到尾場都係你!」

她說:「珍姐同徐生嚟咗,大家可以早啲收工,大家一齊食個飯放鬆吓,如果唔係真係冇乜機會。」身材Fit爆的定欣熱愛做運動,可惜今次帶備運動裝都得物無所用,她說:「自己帶嚟嘅運動衫都冇郁過,反而一有時間盡量瞓番多啲叉電。」

您可能有興趣:

1
電影《九龍城寨之圍城》 入選康城影展「午夜展映單元」 古天樂:證明港動作電影可入國際舞台

2
楊茜堯內地拍劇2個月感內疚 大女問我她多啲陪佢得唔得

3
郭柏妍化身恐怖情人威脅殉情 鄭俊弘首演植物人眼都冇得眨

4
吳浩康感恩表演工作增 不敢辭地盤工:花無百日紅

5
《逆天奇案2》收視報捷 陳展鵬:復活節後劇集也復活 林夏薇享受左擁右抱

6
《逆2》妹頭趙璧渝拍美胸廣告 盡騷驕人身材 逼爆上圍極震撼

7
炎明熹扮公主 與400粉絲慶生

8
效力23年 鄭世豪離開TVB 林鈺洧奉命加入《愛回家》

9
《九龍城寨之圍城》古天樂恨被洪金寶打 獲讚功架十足打得出色

10
「紅衫魚」蘇韻姿終永不回家 離巢TVB 撰長文點名多謝珍姐:緊記你教我嘅一切

11
蔣祖曼拍船戲搞到身水身汗 爆黃智賢練出絕世零汗神功

12
南京演唱會受不禮貌對待 有觀眾疑不滿歌單舉中指 陳奕迅背台唱整理情緒

13
張繼聰搞巡唱衝出香港 盼觀眾可見到真正的我

14
TVB《吃貨橫掃深圳》今晚播 10蟹拆製蟹黃素撈白飯極滿足

15
蕭敬騰戶外演打破「雨神」宿命  邱鋒澤因一理由拒在香港除衫騷肌


首頁