馬國明的婚宴，除了鄭嘉穎，鐵馬家族成員齊腳。

【本報記者報道】馬國明在本月聖誕節前將和女友湯洛雯飛外地結婚，「鐵馬家族」的鄭嘉穎早前稱要留港湊仔未必能參加其婚禮，再次掀起他與馬國明的不和傳聞。王賢誌在Ig限時動態發文，暗批老表嘉穎是「人前人後兩個樣」。馬國明昨晚再回應事件，強調與嘉穎無鬧交，大家不用窮追猛打。除了鄭嘉穎，問他「鐵馬家族」是否齊人到海外參加婚禮？馬國明說，起初林子善也有湊女問題而無法成行，但現在已解決，可以出席。

嘉穎的表弟王賢誌在Ig限時動態發文︰「始終都係日久見人心，幕前幕後兩個樣其實我早就見識過，所以一早已經放棄同呢個人有任何聯繫。如果問起我佢嘅嘢，Sorry佢唔係我邊個，連朋友都講唔上，千祈唔好再問我。」王賢誌這番言論，矛頭疑直指鄭嘉穎。王賢誌2019年曾公開與鄭嘉穎撇清關係，他當時指嘉穎不是他的朋友，難聯絡到嘉穎，加上對方要睇住太太陳凱琳，兩人少聯絡。

馬國明昨晚（6日）到尖沙咀出席劇集《飛常日誌》煞科晚宴時再回應鄭嘉穎事件。馬說：「大家唔駛將呢件事煲大，好小事啫，唔使咬住唔放，總之我同嘉穎冇嗌交。」就王賢誌在社交平台發文，暗寸有人是「雙面人」，馬國明說：「唔知佢講邊個，大家都只係揣測，正如我之前所講，唔熟悉佢嘅人會覺得佢寸，所以我唔會代其他人畀評論。」

林子善解決湊女 可赴婚宴

問及「鐵馬家族」成員是否除鄭嘉穎之外，其他成員都會出席他的婚禮？馬國明說：「依家應該齊，開頭子善都話唔得，因為與小朋友有關，如果佢來不到，我都不會怪佢，不過依家問題解決咗，所以他可以來。」