【本報記者報道】趙璧渝（Osanna）於2013年入行後，銀行戶口曾因工作不穩，跌至不足跌至3位數，但她堅持演藝夢，一直沒有放棄幕前，在疫情期間增值考獲瑜伽老師牌照，將興趣幫補收入。踏入2024年，努力不懈的趙璧渝開始步入收成期，繼在《逆天奇案》當中飾演「妹頭」一角及《法言人》的Coco都讓觀眾印象深刻外，亦接拍廣告。

趙璧渝新一輯廣告在海邊取景，身穿deep V薄紗的她坐在海灘邊俯身輕托香腮，傾前豐滿身材極震撼。她談及美胸心得時說：「要Keep住靚、Keep住Firm，除咗平日會做瑜伽運動外，最重要每星期搵專業顧問幫助、勤做療程。」在平日飲食面，趙璧渝自小鍾意食新鮮山藥或者煲湯的淮山，因為淮山的植物性荷爾蒙對身材好緊要，所以飲食都要注意。

食新鮮山藥或淮山豐胸

拍攝當日，天氣雖不至寒冷警告，但因冇陽光同海灘大風，令趙璧渝不停流鼻水，說：「工作人員知道天氣狀況，同埋有機會濕身都有準備暖包、大毛巾，但我真係冇辦法貼暖包，因為啲衫實在冇空間，泳衣又好多個窿、跟住婚紗本身好窄，當日自己帶咗一件長羽絨，同埋一個暖壺。」為了著靚每件貼身衫，Osanna拍攝前一日只飲流質食物、食藍莓同烚蛋而已，到當日則由朝到晚早只飲齋啡以去水腫，肚餓才吃幾粒藍莓充肌。

另外《逆天奇案2》熱播大獲好評，趙璧渝由《逆1》到《逆2》飾演的「妹頭」仍然被受注視，她感覺入行11年終於有一個里程碑，說：「由《逆1》到《逆2》，感激有展鵬大佬嘅帶領令我哋A Team嘅默契、眼神、互相嘅信任度、演繹上嘅節奏等等都愈來愈自然合拍，大家會互相提點，而妹頭呢個角色就成為咗我生命中好重要嘅里程碑，因為呢個角色令我得到好多得到好多，我好感恩可以同你哋呢個團隊一齊成長進步，好多謝觀眾支持。」