張雷生活挺有情趣。(張雷提供圖片)

張雷相隔17年亮相無綫劇集，半裸舉啞鈴騷爆肌，寶

張雷生活挺有情趣。(張雷提供圖片)

張雷相隔17年亮相無綫劇集，半裸舉啞鈴騷爆肌，寶

【本報記者報道】由劉家豪總監製的《逆天奇案2》前晚（22日）播出一集展開新個案「賊王逃獄案」，單元主角是相隔17年再亮相TVB劇集的張雷！

在劇集《神鵰俠侶》飾演「金輪法王」而為人熟悉的張雷，對上一次亮相TVB劇集已是17年前的《蕭十一郎》，今次相隔多年再度演出《逆天2》，令觀眾大感驚喜。問到為何今次願意參與《逆天2》，張雷受訪時說：「監製同編審打電話畀我同我講故仔，我聽完之後覺得幾好玩，咁咪應承拍2集囉！」問及有否戲癮？他笑言：「其實出面一直都拍緊嘢，網劇、電影都有參與，梗係有戲癮啦，最好TVB搵多啲我拍劇！」

保健之道做運動 食幾十年長齋

現年69歲的張雷武打演員出身，今次劇中有不少騷Quali場面，分別是街頭追逐和半裸舉啞鈴晒爆肌場口，不過對他來說卻是Easy Job，張雷笑言：「呢個角色真係啱晒我，又要有啲年紀，又要有啲動作戲，又要有文戲。」

張雷分享保健之道：「平時唔使開工都會Keep住做運動，多數喺黃昏時候做，會先跑幾公里做熱身，之後玩吓啞鈴、掌上壓、Sit Up咁練吓體能，有時亦會打吓沙包、打吓拳、打吓功夫咁，加加埋埋都差唔多2個鐘。食方面我都幾清淡，因為我食咗幾十年齋㗎喇。」