今次要拍床戲，娜姐非常信任旦哥。

娜姐竟在床上「裸辭」。

今次要拍床戲，娜姐非常信任旦哥。

娜姐竟在床上「裸辭」。

電影《小男人週記3之吾家有喜》將於明日上映，周秀娜在戲中飾演鄭丹瑞女朋友，其中娜姐「裸辭」一幕，相信男觀眾會睇到鼻血長流。

該場戲指旦哥和秘書女友娜姐趁午飯時間去酒店偷情，兩人除了瞓床傾心事外，只着胸圍內褲的娜姐更向旦哥遞辭職信，畫面非常震撼。娜姐說：「拍呢場戲要清場，因為有個鏡頭Wide Shot係全間房見到，同埋有兩隊人拍；而每次拍完一個鏡頭，導演都要出返房，因為睇片個mon喺另一間房，睇完再返嚟拍，其實係唔容易拍。」同旦哥拍親熱戲，娜姐並不覺得尷尬：「嗰場戲已經擺到幾後先拍，之前都已經知道有呢場戲。唯一問題係同旦哥太熟，唔熟都仲好啲，太熟做親呢啲嘢會笑，仲要深情對望。」

旦哥就非常感激娜姐對他的信任：「戲入面娜姐係我秘書又係我秘密情人，在酒店房辭職，係件幾荒謬嘅事，但我一早已經寫咗喺劇本度，圍讀時亦解釋得好清楚，所以佢係好安心將成件事交託畀我，反而係我好緊張，成件事唔能夠辜負佢對我嘅信任。」