■《心理追兇Mind Hunter》演員昨出席宣

■馬國明、蔡思貝分享減壓方法。

■楊明認定女友莊思明為結婚對象。

■蔡思貝獲粉絲和其他男演員選為「坐姿最性感女神」

■楊明、馬國明台上玩遊戲。

■林師傑與女友歐陽巧瑩一起亮相。

■《心理追兇Mind Hunter》演員昨出席宣

■馬國明、蔡思貝分享減壓方法。

馬國明、蔡思貝、楊明、敖嘉年、黃嘉樂、林師傑與女友歐陽巧瑩等昨日出席TVB劇集《心理追兇Mind Hunter》宣傳，台上眾人分組玩遊戲緝拿真兇。

＜採訪＞娛樂部

被司儀指春風滿面，馬明笑說：「佢講啫！日日開工點春風滿面？（日日對住黃心穎開工拍《宮心計2深宮計》所致？） 我對住蕭正楠多啲，近期同心穎少見面，無叫心穎捧場呀！」在《心》劇中馬明飾演心理學家，需要經常沉溺在見到女友湯洛雯的幻覺當中。問到現實中可有試過沉溺於舊情？他說：「現實未試過咁深情對女仔。（將來呢？）唔知，到時話你知，呢個戲都愛得好恐怖。」說到湯洛雯日前因工作壓力而暈倒，之前連踩廿幾小時的馬明表示，平時會去做運動、睇戲、食飯來減壓，問到是否拍拖也可以減壓？他笑說：「都係嘅！其實同家人一齊都可減壓。」

蔡思貝大笑大喊減壓

劇中飾演社工的蔡思貝以肉色貼身連衣裙現身，在台上被觀眾和其他男演員選為「坐姿最性感女神」。蔡思貝玩遊戲時被指是兇手，但她表示真兇其實另有其人，並說：「兇手今日無嚟！」問到是否王君馨？她只說：「君馨出咗埠。（出埠去結婚？）好似係做嘢，真係唔清楚！只知她好忙。」說到湯洛雯日前在街上暈倒，思貝表示不知對方有事，但指做這行壓力相信不少，可能作息時間不夠，有時會見暈及有耳鳴；她的減壓方法就是喊，會大笑大喊、聽歌及做運動。

楊明與莊思明轉眼已拍拖一年，日前兩人分別在社交網上載甜蜜合照，其中一相楊明更錫女友面珠。問到如何慶祝拍拖一周年？楊明笑說：「好似好耐，都係求其二個人食餐飯，個地方係一位同事開嘅韓國餐廳，去年開始拍拖時都係去呢間餐廳。」問到何時送戒指？他說：「未Plan，（認定對方？）我應該係，但唔知女友係唔係，但我都Feel到大家一齊開心嘅！」