陳凱琳(Grace)、馮盈盈(Crystal)、莊思明(Lisa)、陳雅思、王卓淇、張寶兒等昨日鑽石山出席《2017香港小姐競選》最後召集活動。Grace表示身邊也有靚女朋友,但就沒提名他們參選,而她在社交平台收到很多不認識的靚女留言,向她詢問參選應有甚麼準備,她都有回覆。
<採訪>娛樂部
問到男友鄭嘉穎平時可會女仔?她答非所問,將話題扯去了爸爸及身上的裙子;但記者仍追問嘉穎可會女?她才表示,嘉穎不會講太多,而他在無綫多年都見過好多港姐。
剛於本月10日度過23歲生日的Crystal,穿上男友送的高踭鞋生日禮物現身。她透露,早前與細佬到東京旅行慶生,笑言此行感覺像冒險,返港當日更因瞓過龍而差點趕不及上飛機。對於男友送她高踭鞋作為生日禮物,記者指送鞋是暗喻「請對方走」,Crystal聞言表現驚訝:「係咩?我唔知喎!他覺得實用又知我鍾意呢個牌子先買,咁我都要跟習俗,畀番兩蚊他當自己買。」
談到早前被影到與男友在街頭咀嘴,問到東京之行可再咀?她笑説:「無,我哋好專注買嘢、食嘢同影相,我都有留意報道,原來拍了咁多角度,同事笑我咁都發現唔到。(因咀得太投入?)可能放假心情輕鬆先鬆懈了,朋友叫我以後小心啲。」
莊思明不擔心男友女
當年參選港姐得季軍的Lisa表示,當選後翌年曾建議孖生家姐莊思華參選,家姐也有少少心動,但最後也沒參加。提到男友楊明為今屆港姐拍宣傳片,可會擔心他趁機女?Lisa説:「呢個係好正經嘅盛事!(平時他女會同你講?)平時他應該唔夠膽望,同埋他都好少一個人行街。」
|