夏文汐、黎諾懿、林夏薇、韓馬利、湯洛雯及劉思希等昨日出席無綫新劇《逆緣》造型記者會,近年移居上海的夏文汐坦言,很少睇港劇,對香港新一輩演員不是很認識,剛巧早前收看節目《馬家開飯》,對黎諾懿留下深印象。
<採訪>娛樂部
夏文汐說:「當時我未認識黎諾懿,睇到這個男仔好突出,好有氣質,連我家姐都讚他靚仔,心想他好適合做這個角色,但無提出過,估唔到監製Amy真係搵了他演這個角色,真係緣分。」
首次拍無綫劇集的夏文汐之前幫ViuTV拍過劇集,她表示,那次很輕鬆,但今次準備工夫好多,也比以前拍電影多對白,故開工首要是勤力熟讀劇本。
獲前輩大讚興奮
獲前輩大讚的黎諾懿表興奮笑言:「我今次掂喇!麻煩幫我同樂小姐講番同一番說話。」黎諾懿透露,劇中與夏文汐和林夏薇有感情線,關係還會很混亂,但暫時不能透露太多,希望保持神秘感。他表示,近日正爲另一齣劇集《燦爛的外母》埋尾,月中就會投入該劇,所以非常期待。
日文對白都講到
林夏薇在劇中扮演中日混血兒,爸爸是日本人,拍攝前特別找老師學日文。她說:「公司又請咗日文老師,兩個老師雙管齊下,我有番信心,而家日文對白都講到,之前個腦塞咗。」她表示會飾演夏文汐的姨甥,活動前在化妝間才第一次見到女神夏文汐,心情很緊張,覺得對方為人親切、有氣質又靚,希望擦出新火花。
|