坤哥D衣着又真係求其得緊要。

（左起）朱晨麗、何廣沛和王君馨合作愉快。

王君馨老公見太太拍劇同人咀都要扮下 嬲。

阿蕭、君馨、阿廉講起咀戲笑到收唔到聲。

阿蕭跟小朋友玩得好開心。

大朋友小朋友一齊玩，幾難得喎。

坤哥D衣着又真係求其得緊要。

（左起）朱晨麗、何廣沛和王君馨合作愉快。

藝人蕭正楠（阿蕭）、王君馨（Grace）、曹永廉（阿廉）等到觀塘宣傳劇集《超時空男臣》，與一群小朋友玩遊戲。
Grace於昨晚的一集與阿廉有咀戲，她笑說老公Daniel看到即「扮嬲」講英文粗口：「尋晚佢第一次睇呢齣劇就係呢集，佢見我咀阿廉話就用英文講「該死」！跟住問我同我咀嗰個邊個嚟。」阿蕭打趣謂：「畀我見到我鍾意嘅人錫阿廉，我都講粗口啦！可能仲多幾個字。所以Grace老公已經好保守、好有修養。」當Grace老公知道全劇有32集時，他再次爆英文粗口，擔心Grace再有咀戲，Grace覺得好好笑。

阿蕭叫翠如推套戲

問阿蕭如果女友黃翠如與阿廉拍咀嘴戲會不會呷醋？阿蕭笑道：「我直情叫佢推咗套戲添呀！我真係接受唔到，哈哈。」阿蕭謂，如劇集一直有好收視他們會如何慶祝，叫Grace同阿廉再咀，Grace亦笑謂：「我驚佢（阿廉）有生命危險，因為我老公已經認得佢個樣。」

而阿廉則表示太太不在港暫時未有收看，一向生鬼的阿廉笑説：「可能我老婆睇完尋晚一集仲嬲，不過我哋（與Grace）都冇呻脷。（Grace老公睇到爆粗！）所以Grace如果拍床上戲時千祈咪俾老公知！（如果你咀翠如呢？）我都唔敢接，無謂啦！」

吳業坤會再改善形象

一向被網友留意的藝人吳業坤，提到他日前於社交網站上載他身穿黃色螢光衫的照片，被網友指不是Smart Casual的衣着，他解釋說：「呢樣嘢好難定，人Smart，啲衫Casual就OK。但經一事長一智，下次睇吓會唔會再改善吓形象。」至於改什麼？坤哥謂：「我都唔知可以有乜嘢改進。」

坤哥又表示正努力瘦身，因為個個見到他們都説他肥了，坤哥認為如果自己個人瘦啲或者靚仔啲，着上述套衫是沒有問題的。他透露現時體重176磅，目標減到170磅：「我想塊面瘦啲，因為我塊面鴛鴦。」記者問坤哥可以打Botox？坤哥表示暫時又接受唔到自己打Botox，我個人希望用天然方法減肥。