坤哥D衣着又真係求其得紧要。

（左起）朱晨丽、何广沛和王君馨合作愉快。

王君馨老公见太太拍剧同人咀都要扮下 嬲。

阿萧、君馨、阿廉讲起咀戏笑到收唔到声。

阿萧跟小朋友玩得好开心。

大朋友小朋友一齐玩，几难得喎。

坤哥D衣着又真係求其得紧要。

（左起）朱晨丽、何广沛和王君馨合作愉快。

艺人萧正楠（阿萧）、王君馨（Grace）、曹永廉（阿廉）等到观塘宣传剧集《超时空男臣》，与一群小朋友玩游戏。
Grace于昨晚的一集与阿廉有咀戏，她笑说老公Daniel看到即「扮嬲」讲英文粗口：「寻晚佢第一次睇呢齣剧就係呢集，佢见我咀阿廉话就用英文讲「该死」！跟住问我同我咀嗰个边个嚟。」阿萧打趣谓：「畀我见到我钟意嘅人锡阿廉，我都讲粗口啦！可能仲多几个字。所以Grace老公已经好保守、好有修养。」当Grace老公知道全剧有32集时，他再次爆英文粗口，担心Grace再有咀戏，Grace觉得好好笑。

阿萧叫翠如推套戏

问阿萧如果女友黄翠如与阿廉拍咀嘴戏会不会呷醋？阿萧笑道：「我直情叫佢推咗套戏添呀！我真係接受唔到，哈哈。」阿萧谓，如剧集一直有好收视他们会如何庆祝，叫Grace同阿廉再咀，Grace亦笑谓：「我惊佢（阿廉）有生命危险，因为我老公已经认得佢个样。」

而阿廉则表示太太不在港暂时未有收看，一向生鬼的阿廉笑説：「可能我老婆睇完寻晚一集仲嬲，不过我哋（与Grace）都没呻脷。（Grace老公睇到爆粗！）所以Grace如果拍床上戏时千祈咪俾老公知！（如果你咀翠如呢？）我都唔敢接，无谓啦！」

吴业坤会再改善形象

一向被网友留意的艺人吴业坤，提到他日前于社交网站上载他身穿黄色萤光衫的照片，被网友指不是Smart Casual的衣着，他解释说：「呢样嘢好难定，人Smart，啲衫Casual就OK。但经一事长一智，下次睇吓会唔会再改善吓形象。」至于改什么？坤哥谓：「我都唔知可以有乜嘢改进。」

坤哥又表示正努力瘦身，因为个个见到他们都説他肥了，坤哥认为如果自己个人瘦啲或者靓仔啲，着上述套衫是没有问题的。他透露现时体重176磅，目标减到170磅：「我想块面瘦啲，因为我块面鸳鸯。」记者问坤哥可以打Botox？坤哥表示暂时又接受唔到自己打Botox，我个人希望用天然方法减肥。