陳奕迅(Eason)有「吹神」之稱,最近一下子亮相ViuTV多個節目,但原來「吹神」都有唔吹得的時候。他接受ViuTV《interviu》節目主持虞逸峰專訪時,竟然話自己唔係好吹得,仲會吹錯!
話說近期Eason於《中國新歌聲》中擔任導師,備受關注,以為可以好好發揮他的「吹神」本領,但Eason說:「因為有好多導師喺度,而且我要用普通話就唔係咁好吹!好似我想講罅隙裏的菊花,原來菊花係指「後庭」,所以同場的周杰倫都笑一笑,其實係應該講雛菊,但雛菊我又講成吹菊!」
Eason工作及家庭兩邊忙,提到他很易焦躁,他說:「我好易焦躁乾火盛,但都有緩和方法,就係聽音樂、睇書,每次返到入房就會關燈。尤其我到返酒店就習慣關剩一盞燈!呢個節約能源嘅美德係由爸爸身上學到嘅!」
最近,Eason與ViuTV有很多合作,他將首次擔綱演出音樂電視劇《短暫的婚姻》,他很有新鮮感又很期待,特別享受在何文田街道上及英國拍攝時的感覺,充滿藝術氣息。 |