藝人陳寶珠及組合草蜢昨日出席慈善聖誕活動，寶珠姐表示擔任慈善基金大使已有十多年，並指有Keep住做身體檢查：「身體要Check吓，始終好多機器需要修理，好注重飲食，睡眠都好重要，每日都會練舞。（跳Funky Dance？）More Than Funky Dance，好大運動量，要練吓氣，唔多做運動啲筋骨會硬。」她又透露聖誕留在香港，亦會與家人朋友食大餐，不過兒子楊天經聖誕過後要到上海演出話劇，由新抱陪同去。
草蜢只有蔡一傑及蘇志威到場，原來蔡一智因發燒留在家中休息而缺席。傑仔回憶有年聖誕與蘇志威去尖沙咀影相，向後退時不慎跌倒撼穿頭：「嗰度都有4、5呎高，之後入咗急症室，縫咗5針，流咗好多血。」至於提到今年聖誕節，兩人表示要喺綵排中度過，因為稍後會去到馬來西亞舉行演唱會巡迴，一月更會到美國LA繼續巡唱，十分忙碌。<採訪、攝影>吳國明
搜尋新聞
