由杜汶澤主持的ViuTV真人騷旅遊節目《走佬去臺灣》,節目以阿澤26年前避債時的走佬路線作藍本,走訪台灣多個地方,首站阿澤帶領攝製隊到士林區,重臨當年避債時的住宿地方,他表示當時住宿環境惡劣:「喺呢度捱咗一年頂唔順,呢度老鼠仲多過人。」阿澤大談當年在台灣的日子,會光顧麥當勞來解決思鄉病,他透露:「試過飲醉酒鬧事,同人打交打到遍體鱗傷,前妻仲有嚟探我。」
分享片場被侮辱
除走訪當年避債路線外,阿澤還實地體驗到台灣打工,分別為台灣青春劇《噗通噗通我愛你》當臨時演員及到二輪戲院當售票員。做臨時演員期間,阿澤分享了在片場的點滴:「曾幾何時,有個導演指着我說『嗰個行前一步!』當時有一班人喺度,唔知個導演叫邊個,『嗰個呀,最醜樣嗰個呀!』原來嗰個就係我,明白嘅,片場係一個充滿羞辱嘅地方。」 之後,阿澤又到戲院當售票員,戲院老闆還安排他為王晶執導的《追龍》售票,猶記得阿澤跟王晶因政治立場而各執一詞,難怪阿澤說:「真係折墮,做咗咁多年電影,依家要做搣飛,仲要係幫《追龍》搣。」
街巿買餸灑鹽花
此外,阿澤又到當地的街巿買餸,期間在菜檔買菜時,老闆娘說:「呢隻菜叫『大陸妹』!」阿澤聞言即說:「大陸妹?我怕!」老闆娘回應:「你試過嗎?」阿澤即豪言:「我45歲人,有咩未試過,非洲人都試過。」鬼馬的老闆娘不禁問他真定假,老闆娘還笑言:「非洲人屁股比較大。」二人對話充滿鹽份。 |