草蜢「17385世界巡迴演唱會」第一站於上周末在廣州體育館圓滿舉行,全場爆滿,而且「妖」氣沖天!甫開場草蜢以閃爆舞衣亮相,蔡一傑(傑仔)更真空上陣,結實胸膛若隱若現,他們一連串勁歌熱舞揭開序幕,台下歌迷high爆,一聽到音樂就自動自覺站起來跳舞又玩人浪,他們唱完歌立即擺出型仔甫士迎接全場歡呼吶喊,非常風騷。蔡一智(阿智)問觀眾:「所有鍾意草蜢嘅人都係咁妖,你哋妖唔妖先?」全場萬人齊聲「妖」,非常震撼!
傑仔想摘荔枝龍眼
傑仔坦言廣州盛產水果,希望開騷之餘抽空去摘荔枝、龍眼!除了唱歌跳舞,阿智還「表演」魔術,他將傑仔「變」走,他們又「合體」開始慢歌環節,全場觀眾揮動手機電筒造成180度星海,場面浪漫,事後草蜢異口同聲表示好感動和難忘。 完騷後,草蜢與舞蹈員大汗淋漓返回後台,傑仔興奮地說:「觀眾好high,我哋喺台上面跑咗10幾個圈,好開心!好多fans都嚟捧場!」「蝦頭」楊詩敏亦專程到廣州捧場,更與草蜢一齊擺《一起森巴舞》招牌甫士合照! |