煞科當晚，劉德華、苗僑偉、邱禮濤及劇組人員開香檳

早已煞青的劉德華，現身港鐵站支持苗僑偉拍煞科戲。

三哥拿着手機與華仔玩自拍。

華仔親自監場，更表示今次的拍攝令他喜出望外。

劉德華、邱禮濤及苗僑偉齊齊碰杯。

煞科當晚，劉德華、苗僑偉、邱禮濤及劇組人員開香檳

早已煞青的劉德華，現身港鐵站支持苗僑偉拍煞科戲。

由劉德華監製的新片在中環港鐵站拍攝煞科戲，早已煞青的華仔現身監場，並恭喜由頭拍到尾的苗僑偉（三哥）完成任務，更對拍攝喜出望外；而三哥表示間中會搭港鐵，更歡迎大家集郵。

由邱禮濤編導，劉德華監製及主演，古天樂、苗僑偉、林嘉欣、應采兒、周秀娜、衛詩雅、陳家樂、張國強、鄭則士等主演的寰宇電影《掃毒2 天地對決》，經過歷時三個多月的製作，煞科日闖入中環港鐵站拍攝重頭戲部分至凌晨時分，終於順利完成。

由頭拍到尾

身兼監製及主演的華仔雖然早已煞青，不過於劇組煞科日仍現身支持，華仔說：「今次嘅拍攝真係喜出望外，無論係整個架構、或者大家嘅演出！」作為主演之一的苗僑偉（三哥），可謂由頭帶落尾，足足經歷了兩個月拍攝，直踩至煞科日。三哥說：「經歷了一個非常嚴熱同充實嘅暑假！」對於《掃毒2》煞科日闖入中環地鐵站實景拍攝，三哥認為：「中環站實景同我哋搭建嘅廠景港鐵站幾乎無分別，我哋嘅廠景實在太真喇！」

開香檳慶祝

問到三哥幾耐無搭港鐵？三哥話：「我間唔時都搭架！如果大家搭車時見到我，歡迎搵我影相！」至於三哥完成拍攝一刻，跟監製華仔講句：「我完成任務啦！」華仔搞笑回應：「三哥我真係恭喜你！」
煞科當晚劇組人員開香檳慶祝，被問到導演邱禮濤最想講甚麼，他說：「快啲開下部戲！」華仔接着笑說：「快啲搵我監製下部戲！」三哥再說：「快啲搵我拍下部戲！」三位如此有默契，相信一定能帶給大家很好的作品！