張彥博、栢天男、黃百鳴及熊仔頭分享心得。

張彥博在現場大受小朋友歡迎。

張彥博、栢天男、黃百鳴及熊仔頭分享心得。

張彥博在現場大受小朋友歡迎。

藝人張彥博、栢天男（Adam）、黃百鳴及網絡紅人熊仔頭昨日到深水埗出席活動，跟在場人士分享為動畫電影《女皇哥基大冒險》配音的心得。黃百鳴聲演「拳王狗」狗場惡霸泰臣，他刻意收起平時搞鬼的聲線，換上惡死的聲底，他坦言有難度。

最難扮狗抖氣

張彥博表示首度參與配音工作，他以重鼻音演繹片中歷斯的可愛一面：「我細細個已經好鍾意幫屋企啲公仔扮聲，今次配音時我都一直嘗試玩聲，希望可以同大家分享到我扮聲嘅心得。我今次配咗三日，由朝早九點配到夜晚12點，一句對白NG咗好多次，最難扮狗嘅抖氣聲，錄到口乾爛晒聲！」他於現場更即席獻唱，中間加插狗仔吠聲，聲音更是栩栩如生。

同樣首度配音的Adam自小在澳洲長大，鬼仔口音卻令他擁有獨一無二的口音，不過Adam起初對自己能否勝任配音工作感到疑惑：「我一聽到話要為動畫配音都好緊張，因為我對自己嘅廣東話冇乜信心，今次錄完要再錄導演先收貨，咬字及語調好難扮一隻年長嘅狗，今次衝破自己嘅限制！」張彥博則大讚對方演繹得栩栩如生：「聽到時好有old dog嘅味道，聽完先知佢咁靚仔，成個金城武！」<採訪、攝影>陸曼美