左起：朱晨麗、龔嘉欣、何廣沛及吳業坤一臉疲態。

朱朱獲通知《法證先鋒IV》要重拍，擔心日接夜、夜

朱朱劈柴功夫快夾準，十分犀利！

朱朱在劇中一個女人撐起頭家，幾乎場場戲都有份。

左起：朱晨麗、龔嘉欣、何廣沛及吳業坤一臉疲態。

朱朱獲通知《法證先鋒IV》要重拍，擔心日接夜、夜

現正忙於拍攝《大醬園》的朱晨麗（朱朱），原來是劈柴高手，連韋家雄亦甘拜下風；由於《法證先鋒IV》劇組通知重拍，兩劇在手的朱朱陷入日接夜、夜接日的瘋狂拍攝狀態，令她擔心身體會頂唔順。<文>娛樂部

無綫花旦朱晨麗（朱朱）正忙於拍攝民初新劇《大醬園》，唔好睇佢斯斯文文，講嘢陰聲細聲，原來佢好劈得，劈柴功夫快夾準，就連猛男韋家雄都甘拜下風。劇中朱朱為生活每日要好勤力咁踩三輪車送貨，仲要劈柴，點知朱朱一埋位，三扒兩撥就將柴劈開，全劇組都睇到目瞪口呆。

似有特異功能

朱朱得戚說：「連韋家雄都劈唔到呀，道具手足見韋家雄劈極都劈唔開條柴，就同佢講『叫Morning朱幫你劈啦，佢好叻』，唔知點解劈柴對我嚟講，好似有特異功能咁，一take過，好勁呀！」過幾日之後，韋家雄又要再劈柴，他繼續劈唔開，在場工作人員笑言叫韋家雄搵朱朱做替「手」幫他拍劈柴鏡頭。
朱朱在《大醬園》中擔正女主角，每日都要開工，但早前她的經理人收到《法證先鋒IV》劇組通知，因為黃心穎被換角，朱朱的戲份都受到影響要重拍，她即將要面臨同時趕拍兩部劇集，因為《大醬園》係民初劇，《法證》則是時裝，連同轉妝頭、造型、轉場及拍攝，朱朱即將要陷入日接夜、夜接日的瘋狂拍攝狀態。

休息調養身體

朱朱愁晒說：「收到重拍消息後，心情即刻沉晒，我即刻問《法證》嗰邊，我有幾多場口要重拍？但嗰邊都未回覆到我。而《大醬園》講我一個女人打拚撐起頭家，幾乎場場戲我都有份，如果兩邊一齊開，只得一、兩個鐘休息時間都要拍埋，到時要日接夜、夜接日，肯定無得瞓覺，好擔心身體會負荷唔到，會頂唔順！依家惟有等公司去處理，等候發落，相信公司會有一個最適合的安排！」朱朱表示好多年無試過放假，之前拍法證已經拍到五癆七傷，現時最希望拍攝順利完成，可以讓她休息一下，。