黃翠如將App變成鬚根樣唱生日歌，蕭正楠唱得十分

蕭正楠（左一）一條友靠邊坐，翠如、詩詠、陸永和C

黃翠如將App變成鬚根樣唱生日歌，蕭正楠唱得十分

蕭正楠（左一）一條友靠邊坐，翠如、詩詠、陸永和C

日前無綫台慶夜，組合農夫C君及陸永分別扮曾志偉同鄭裕玲（嘟姐），造型爆笑，片段在網上瘋傳，其後兩人又出席嘟姐主持的《Do姐再Shopping》記者會，嘟姐不但無嬲陸永，還讚他扮得似，又幫C君預祝生日。

及至昨日是C君34歲生日，前晚拍檔陸永夫婦、好友黃翠如及男友蕭正楠、DJ女友黃天頤，以及獨自到場的唐詩詠為C君慶祝生日！

當晚眾人玩得十分盡興，相片中唐詩詠攬實黃翠如玩SheShe，陸永搭着老婆Reina膊頭，C君女友又企在隔籬，大家成雙成對，只有翠如男友蕭正楠（Edwin）一條友靠邊坐！

他們除了將相片放上網外，又拍了一條片，用App變成鬚根樣唱生日歌，蕭正楠還唱得十分落力，好搞笑！壽星仔C君則搞笑留言：「多謝！真係過到今年啦！」不過有網民留言「誰來抱抱Edwin」，亦有網民覺得與洪永城分手後的唐詩詠好Lonely，有點唏噓。